കോഴിക്കോട്: സംസ്ഥാനത്ത് വ്യാജ കൊവിഡ് സര്ട്ടിഫിക്കറ്റുകള് വ്യാപകമാകുന്നു. ഇതര സംസ്ഥാനങ്ങളിലേക്കും വിദേശ രാജ്യങ്ങളിലേക്കും യാത്ര നടത്തേണ്ട ആളുകള്ക്കാണ് പരിശോധന നടത്താതെ തന്നെ ആര്ടിപിസിആര് നെഗറ്റീവ് സര്ട്ടിഫിക്കറ്റുകള് നല്കുന്നത്. പ്രമുഖ ലാബുകളുടെ പേരിലാണ് വ്യാജ കൊവിഡ് സര്ട്ടിഫിക്കറ്റുകള് തയ്യാറാക്കുന്നതെന്നാണ് മാധ്യമങ്ങൾ വ്യക്തമാകുന്നത്.
യാത്രാ ആവശ്യത്തിനായി ആർടിപിസിആർ സർട്ടിഫിക്കറ്റ് വേണ്ടവർക്ക് സാമ്പിൾ ശേഖരണമോ പരിശോധനയോ ഒന്നുമില്ലാതെ ചിലർ സർട്ടിഫിക്കറ്റ് നല്കുന്നുവെന്ന വിവരമാണ് ഇപ്പോൾ ലഭിയ്ക്കുന്നത്. പ്രധാനമായും ചില ട്രാവല് ഏജന്സികളാണ് ഇത്തരത്തില് സർട്ടിഫിക്കറ്റ് തരപ്പെടുത്തി നല്കുന്നത്. സംസ്ഥാനത്തിന് പുറത്തേക്ക് യാത്ര നടത്തുന്നവരെയാണ് ഇത്തരക്കാർ ലക്ഷ്യമിടുന്നത്.
ഇരുന്നൂറ്റി അന്പത് രൂപ ഓൺലൈന് വഴി ട്രാന്സ്ഫർ ചെയ്താണ് തട്ടിപ്പിന് തുടക്കം കുറിയ്ക്കുന്നതു. പണം കൈമാറി, മണിക്കൂറിനകം യാതൊരു പരിശോധനയുമില്ലാതെ ആര്ടിപിസിആര് നെഗറ്റീവ് സര്ട്ടിഫിക്കറ്റ് വാട്സ് ആപ്പിൽ ലഭിയ്ക്കുകയും ചെയ്യും. രാജ്യത്തെ മുന്നിര ലബോറട്ടറികളിലൊന്നായ ഡിഡിആര്സിയുടെ റിപ്പോര്ട്ടെന്നാണ് സർട്ടിഫിക്കറ്റിൽ കാണിക്കുന്നത്. എന്നാല് ഇത്തരമൊരു സര്ട്ടിഫിക്കറ്റ് ഡിഡിആര്സി നല്കിയിട്ടില്ലെന്നും അന്വേഷണത്തില് വ്യക്തമായി.
അത്യാവശ്യമായി യാത്ര ചെയ്യേണ്ട ചിലരെങ്കിലും ഇതിനെയൊരു സൗകര്യമായാണ് കാണുന്നത്. എന്നാല് രോഗികളുടെ എണ്ണം അനുദിനം പെരുകുന്ന കേരളത്തില് ഇത്തരം വ്യാജന്മാര് സൃഷ്ടിക്കുന്ന അപകടം വലുതാണ്. ശക്തമായ അന്വേഷണവും കര്ശന നടപടിയുമാണ് ഈ വിഷയത്തില് വേണ്ടത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
