മുംബൈ :ഫോട്ടോ എടുക്കുന്നതിനിടെ പെൺകുട്ടികൾ വെള്ളച്ചാട്ടത്തിൽ വീണുണ്ടായ അപകടത്തിൽ
നാല് മരണം.ഒരാളെ ഗുരുതരാവസ്ഥയിൽ ചികിത്സയിലാണ്.ഉജ്വൽ നഗർ സ്വദേശി ആസിയ മുജാവർ (17), അംഗോളിലെ കുദ്രഷിയ ഹസ്ം പട്ടേൽ (20), റുക്കാഷ ഭിസ്തി (20), ഝട്പത് കോളനിയിലെ തസ്മിയ (20) എന്നിവരാണ് മരിച്ചത്. മഹാരാഷ്ട്രയിലെ കോലാപൂർ ജില്ലയിലെ കിത്വാഡ് വെള്ളച്ചാട്ടത്തിന് സമീപം നിന്ന് ഫോട്ടോ എടുക്കുന്നതിനിടെയാണ് അപകടം ഉണ്ടായത്.
രക്ഷപ്പെടുത്തിയ പെൺകുട്ടിയെ ബെലഗാവി സർക്കാർ ആശുപത്രിയിൽ പ്രവേശിപ്പിച്ചു. കർണാടകയിലെ ബെലഗാവിയിൽ നിന്നുള്ള 40 പെൺകുട്ടികൾ അടങ്ങുന്ന സംഘമാണ് കിത്വാഡ് വെള്ളച്ചാട്ടം കാണുന്നതിനായി എത്തിയത്. ഈ സംഘത്തിലെ ചില പെൺകുട്ടികൾ ഫോട്ടോ എടുക്കാൻ ശ്രമിക്കുന്നതിനിടെയാണ് കാൽവഴുതി വെള്ളത്തിൽ വീണത്. പിന്നാലെ നാട്ടുകാർ രക്ഷാപ്രവർത്തനം നടത്തിയെങ്കിലും നാല് പേർ മരിച്ചു.