ടാറ്റ സൺസിന്റെയും സിംഗപ്പൂർ എയർലൈൻസിന്റെയും സംയുക്ത ഉടമസ്ഥതയിലുള്ള എയർലൈനായ വിസ്താര പൈലറ്റുമാരുടെയും ക്യാബിൻ ക്രൂവിന്റെയും ശമ്പളം ഏപ്രിൽ മാസം മുതൽ 8 ശതമാനം വരെ വർധിപ്പിക്കാൻ തീരുമാനിച്ചതായി റിപ്പോർട്ട്. ഗൾഫ് എയർലൈനുകളിൽ ജോലി ഓഫർ ലഭിച്ചതിനെ തുടർന്ന് കഴിഞ്ഞ ആറ് മാസത്തിനിടെ ഏകദേശം 30 പൈലറ്റുമാർ എയർലൈനിൽ നിന്ന് രാജിവെച്ചതായും റിപ്പോർട്ട് വന്നിരുന്നു. ഇപ്പോൾ ടാറ്റ ഗ്രൂപ്പ് ഏറ്റെടുത്തിരിക്കുന്ന വിമാനക്കമ്പനിയായ എയർ ഇന്ത്യയുമായി വിസ്താര ഉടൻ ലയിക്കും.
ടാറ്റ ഗ്രൂപ്പിന്റെയും സിംഗപ്പൂർ എയർലൈൻസിന്റെയും സംയുക്ത സംരംഭമായ വിസ്താരയിൽ ഏകദേശം 2500 ക്യാബിൻ ക്രൂവും പൈലറ്റുമാരുമുണ്ട്.