അഹമ്മദാബാദ്: ഗുജറാത്തില്‍ (Gujarat) കെമിക്കല്‍ ഫാക്ടറിയിലുണ്ടായ പൊട്ടിത്തെറിയിൽ നാലുപേര്‍ മരിച്ചു. അപകടത്തില്‍ 15 പേര്‍ക്ക് പരിക്കേറ്റതായാണ് ലഭിക്കുന്ന വിവരം. ഇന്ന് രാവിലെ 10 മണിയോടെയായിരുന്നു സ്‌ഫോടനം. ഗുരുതരമായി പരുക്കേറ്റവരെ ആശുപത്രിയിലേക്ക് മാറ്റി.
വഡോദരയിലെ ജിഐഡിസി മേഖലയിലാണ് സംഭവം. ഫാക്ടറിയിലെ ബോയിലര്‍ ആണ് പൊട്ടിത്തെറിച്ചത്.ഏതാണ്ട് മൂന്ന് കിലോമീറ്റര്‍ അകലെയുള്ള വീടുകളുടെ ജനല്‍ച്ചില്ലുകള്‍ പോലും തകരുന്നത്ര ഉഗ്രശേഷിയുള്ള സ്‌ഫോടനമായിരുന്നു നടന്നതെന്ന് പൊലീസ് പറഞ്ഞു.സ്‌ഫോടനത്തിൽ പരുക്കേറ്റവരുടെ എണ്ണം വർധിക്കാനിടയുണ്ട് എന്നാണ് പോലീസ് വ്യക്‌തമാക്കുന്നത്. സ്‌ഫോടനത്തിന്‍റെ കാരണം അന്വേഷിക്കാന്‍ ഫോറന്‍സിക് സംഘം സ്ഥലത്തെത്തിയിട്ടുണ്ട്.
