മലയാളം സിനിമ പ്രേക്ഷകർക്ക് ഒരുപിടി സൂപ്പർ ഹിറ്റുകൾ സമ്മാനിച്ച അൽഫോൺസ് പുത്രന്റെ ചിത്രത്തിനായുള്ള കാത്തിരിപ്പിലാണ് ആരാധകർ. നേരം, പ്രേമം എന്നീ സൂപ്പർ ഹിറ്റുകൾക്ക് ശേഷം സംവിധായകൻ ഒരുക്കുന്ന മൂന്നാമത്തെ ചിത്രമായ ഗോൾഡിന്റെ ചിത്രീകരണം ആരംഭിച്ചിരിക്കുകയാണ്. പൃഥ്വിരാജും നയന്താരയുമാണ് ചിത്രത്തിലെ കേന്ദ്ര കഥാപാത്രങ്ങൾ. നടൻ അജ്മൽ അമീർ ഒരു ശ്രദ്ധേയ വേഷം സിനിമയിൽ അവതരിപ്പിക്കുംക്കുന്നുണ്ട്. സെപ്റ്റംബർ അവസാനം പൃഥ്വിരാജ് സെറ്റിൽ സജീവമാകും. പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവരാണ് നിർമാതാക്കൾ.
നിവിൻ പോളി ചിത്രം പ്രേമത്തിനുശേഷം അല്ഫോന്സ് പുത്രന് സിനിമകളൊന്നും ചെയ്തിരുന്നില്ല.’പാട്ട് ‘ എന്ന് പേരിട്ടിരിക്കുന്ന മറ്റൊരു ചിത്രത്തിൽ ഫഹദ് ഫാസിലാണ് നായകൻ. ഈ സിനിമ തുടങ്ങാൻ വൈകുന്ന വേളയിൽ അൽഫോൺസ് പുതിയ പ്രൊജക്ടുമായി മുന്നോട്ടു പോവുകയായിരുന്നു. ഈ ചിത്രത്തിലും നയന്താരയാണ് നായിക. സംഗീതത്തിന് ഏറെ പ്രാധാന്യമുള്ള ചിത്രത്തിന്റെ രചനയും എഡിറ്റിംഗും സംഗീത സംവിധാനവും അല്ഫോന്സ് പുത്രന് തന്നെയാണ് നിര്വ്വഹിക്കുന്നത്. യുജിഎം എന്റര്ടെയ്ന്മെന്റ്സിന്റെ ബാനറില് സക്കറിയ തോമസും ആല്വിന് ആന്റണിയും ചേര്ന്നാണ് ഈ ചിത്രത്തിന്റെ നിര്മ്മാണം.