എറണാകുളം: നെടുമ്പാശ്ശേരി വിമാനത്താവളത്തിൽ വീണ്ടും സ്വർണം കടത്താൻ ശ്രമം. സംഭവത്തിൽ മലപ്പുറം സ്വദേശിയെ കസ്റ്റംസ് പിടിച്ചെടുത്തു. ഇയാളുടെ പക്കൽ നിന്നും ലക്ഷങ്ങൾ വിലമതിക്കുന്ന സ്വർണവും പിടിച്ചെടുത്തിട്ടുണ്ട്.
മലപ്പുറം സ്വദേശി അൻസാർ ആണ് സ്വർണം കടത്താൻ ശ്രമങ്ങൾ നടത്തിയത്. മലദ്വാരത്തിൽ ഒളിപ്പിച്ചായിരുന്നു ഇയാൾ സ്വർണം എത്തിച്ചത്. എന്നാൽ സുരക്ഷാ പരിശോധനയ്ക്കിടെ ഇയാൾ പോലീസ് പിടിയിലാകുകയായിരുന്നു. ക്യാപ്സൂൾ രൂപത്തിലാക്കിയായിരുന്നു ഇയാൾ സ്വർണം ഒളിപ്പിച്ചത്. നാല് ക്യാപ്സൂളുകൾ ഇയാളുടെ പക്കൽ നിന്നും പിടികൂടി.
ദുബായിൽ നിന്നുമാണ് ഇയാൾ സ്വർണവുമായി എത്തിയത്. എയർ ഇന്ത്യ എക്സ്പ്രസിലായിരുന്നു ഇയാൾ ദുബായിൽ നിന്നും വന്നത്. 767 ഗ്രാം സ്വർണമായിരുന്നു ഇയാളിൽ നിന്നും പിടിച്ചെടുത്തത്. ഇതിന് വിപണിയിൽ 33.57 ലക്ഷം രൂപ വിലവരുമെന്ന് അധികൃതർ അറിയിച്ചു.