ന്യൂയോര്‍ക്ക്: മെറ്റയ്ക്കും ആമസോണിനും മൈക്രോസോഫ്റ്റിനും പിന്നാലെ കൂട്ട പിരിച്ചുവിടലുമായി ഗൂഗിൾ. 12,000 പേരെയാണ് ഗൂഗിൾ മാതൃകമ്പനിയായ ആൽഫബെറ്റില്‍ നിന്നും പിരിച്ചുവിടാനൊരുങ്ങുന്നത്. കമ്പനിയിലുള്ള ആകെ തൊഴിലാളികളിൽ ആറ് ശതമാനം ജീവനക്കാരെയാണ് കമ്പനി പിരിച്ചു വിടുന്നത്.
തീരുമാനം അറിയിച്ചുകൊണ്ടുള്ള ആൽഫബെറ്റ് സിഇഒ സുന്ദർ പിച്ചൈ അയച്ച ഇ മെയിൽ പുറത്തായി.
ഇപ്പോഴത്തെ സാമ്പത്തിക സാഹചര്യത്തിൽ ഈ തീരുമാനം കമ്പനിക്ക് അനിവാര്യമാണെന്നും ഈ സാഹചര്യത്തിലേക്ക് എത്തിച്ചതിന്റെ പൂർണ്ണ ഉത്തരവാദിത്വം താൻ ഏറ്റെടുക്കുന്നുവെന്നും സുന്ദർ പിച്ചൈ ആഭ്യന്തര മെമ്മോയിൽ പറഞ്ഞു .
