തിരുവനന്തപുരം: തലസ്ഥാന ജില്ലയിൽ വീണ്ടും ഗുണ്ടാ വിളയാട്ടം (Goons Attack In Trivandrum). അച്ഛനും മകൾക്കും നേരെയാണ് ആക്രമണമുണ്ടായത്. കഴിഞ്ഞ കുറേ ദിവസങ്ങളായി ആക്രമണങ്ങൾ അരങ്ങേറുന്ന പോത്തൻകോട് ആണ് സംഭവം നടന്നത്. വാഹനത്തിൽ യാത്ര ചെയ്യുകയായിരുന്ന വെഞ്ഞാറമ്മൂട് സ്വദേശികളെ ഗുണ്ടകൾ കൂട്ടംചേർന്ന് ആക്രമിക്കുകയായിരുന്നു.
ഇന്നലെ രാത്രി എട്ടരയോടെ ജനങ്ങൾ കൂടി നിന്ന സ്ഥലത്ത് വച്ചാണ് ആക്രമണം നടന്നത്. ഭാര്യയെ ജോലിക്ക് ആക്കിയ ശേഷം കാറിൽ മടങ്ങിയ അച്ഛനെയും മകളെയും നാലംഗ സംഘം പൊതുസ്ഥലത്ത് വച്ച് ആക്രമിക്കുകയായിരുന്നു. ഇവരുടെ കാർ തടഞ്ഞുനിർത്തി ഇവരെ അസഭ്യം പറയുകയും പെൺകുട്ടിയെ കടന്നുപിടിക്കാൻ ശ്രമിക്കുകയും ചെയ്തു. അതിനുപിന്നാലെ ഗുണ്ടകൾ പെൺകുട്ടിയുടെ മുഖത്തടിക്കുകയും മുടിയിൽ കുത്തിപ്പിടിക്കുകയും ചെയ്തു. സംഭവത്തിന് പിന്നാലെ അച്ഛൻ പോലീസിന് പരാതി നൽകി.
നിരവധി ക്രിമിനൽ കേസുകളിലെ പ്രതിയായ ഫൈസൽ എന്ന ഗുണ്ടയുടെ നേതൃത്വത്തിലാണ് ആണ് ആക്രമണം നടന്നതെന്നാണ് വിവരം. . ജ്വല്ലറി ഉടമയെ വെട്ടി നൂറ് പവൻ കവർന്ന കേസിലെ പ്രതിയാണ് ഇയാൾ. സംഭവത്തിൽ പോലീസ് അന്വേഷണം ആരംഭിച്ചു. അതേസമയം സംഭവത്തിൽ പോലീസിനെതിരെ കനത്ത ആക്ഷേപമാണ് ഉയരുന്നത്. ഗുണ്ടകൾ അഴിഞ്ഞാടുമ്പോൾ പോലീസുകാർ വെറും നോക്കുകുത്തികളായി മാറുകയാണ്.
