മൂവാറ്റുപുഴ: കേരളത്തിൽ ചർച്ചയായ മൂവാറ്റുപുഴ അര്‍ബന്‍ ബാങ്കിന്റെ ചെയര്‍മാന്‍ സ്ഥാനം സി.പി.എം സംസ്ഥാന കമ്മിറ്റിയംഗം കൂടിയായ ഗോപി കോട്ടമുറിക്കല്‍ ഒഴിഞ്ഞു. കേരള ബാങ്ക് പ്രസിഡന്റ് കൂടിയായതിനാല്‍ ജോലിത്തിരക്ക് കണക്കിലെടുത്താണ് ഭാരവാഹിത്വം ഒഴിയുന്നതെന്ന് അദ്ദേഹം വ്യക്‌തമാക്കി.
ഇന്നലെ ചേര്‍ന്ന ബാങ്ക് ഡയറക്ടര്‍ ബോര്‍ഡ് യോഗം ഡെപ്യൂട്ടി ജനറല്‍ മാനേജര്‍ ശാലിനി, പേഴയ്ക്കാപ്പിള്ളി ബ്രാഞ്ച് മാനേജര്‍ സജീവ് എന്നിവരെ സസ്പെന്‍ഡ് ചെയ്യാന്‍ തീരുമാനിച്ചു. ജപ്തി വിവാദം അന്വേഷിക്കാന്‍ മൂന്നംഗ സമിതിയെ നിശ്ചയിച്ചു.
ഒന്നര ലക്ഷത്തോളം രൂപയുടെ വായ്പാ കുടിശികയ്ക്കായി പായിപ്രയില്‍ പട്ടികജാതിയില്‍പ്പെട്ട അജീഷിന്റെ നാല് മക്കളെ പുറത്താക്കി വീട് ജപ്തി ചെയ്തതോടെയാണ് മൂവാറ്റുപുഴ അര്‍ബന്‍ ബാങ്ക് വിവാദത്തിലായത്. തുടര്‍ന്ന് ബാങ്ക് സി.ഇ.ഒ ജോസ് കെ.പീറ്റര്‍ രാജിവച്ചിരുന്നു.
