കോഴിക്കോട്: കോഴിക്കോട് നാദാപുരം താലൂക്ക് ആശുപത്രിയിൽ ആരോഗ്യമന്ത്രി വീണ ജോർജിന്റെ മിന്നൽ പരിശോധന. കിടത്തി ചികിത്സയ്ക്ക് സൗകര്യമൊരുക്കുന്നില്ലെന്ന് ആശുപത്രിയ്ക്കുനേരെ വ്യാപക പരാതി ഉയർന്നിരുന്നു. ഇതിനെ തുടർന്നായിരുന്നു മന്ത്രി വീണാ ജോർജ് മിന്നൽ പരിശോധന നടത്തിയത്.
ആരോഗ്യ മന്ത്രി വാർഡുകളിലും അത്യാഹിത വിഭാഗങ്ങളിലും പരിശോധന നടത്തി. അതുകൂടാതെ ലാബുകളും രജിസ്റ്ററും മന്ത്രി വിശദമായി പരിശോധിക്കുകയും ചെയ്തു. 100 പേരെ കിടത്തി ചികിത്സിക്കാൻ സൗകര്യമുള്ള ആശുപത്രിയിൽ മൂന്ന് രോഗികൾ മാത്രമാണ് ഉണ്ടായിരുന്നത്. പ്രശ്നങ്ങൾ നേരിട്ട് കണ്ട് വിലയിരുത്തിയിട്ടുണ്ട്. മാത്രമല്ല വിഷയം ഗൗരവമുള്ളതെന്നും കൂടുതൽ തുടർ നടപടികൾ ഉണ്ടാകുമെന്നും മന്ത്രി വീണാ ജോർജ് പ്രതികരിച്ചു.
