പൂഞ്ച് : ജമ്മു കാശ്മീരിലെ വൈദ്യുതി മേഖലക്ക് പുതിയ മുഖം നല്‍കി കേന്ദ്രസര്‍ക്കാര്‍. പൂഞ്ച് മേഖലയില്‍ ഏഴ് വര്‍ഷം മുമ്പ് തകരാറിലായ ഹൈടെന്‍ഷന്‍ വൈദ്യുതി ലൈനുകളുടെ അറ്റകുറ്റപ്പണികള്‍ തീര്‍ത്ത് ജനങ്ങളുടെ ദുരിതം അകറ്റിയിരിക്കുകയാണ് അധികൃതര്‍. 2014 ലെ പേമാരിയിലും വെള്ളപ്പൊക്കത്തിലും ഈ മേഖലയിലെ വൈദ്യുതി ലൈനുകള്‍ പൂര്‍ണമായും തകര്‍ന്ന് പോയിരുന്നു. ചന്ദക്കിലെ പവര്‍ സ്റ്റേഷനും പൂര്‍ണമായും പ്രവര്‍ത്തനസജ്ജമായതോടെ
പൂഞ്ച് ജില്ലയിലെ രണ്ട് ലക്ഷത്തോളം പേര്‍ക്കാണ് പ്രയോജനം ലഭിക്കുന്നത്. പുതിയ 132 കെ.വി സബ്‌സ്‌റ്റേഷന്‍ നിലവില്‍ വന്നതോടെ വോള്‍ട്ടേജ് പ്രശ്‌നവും പരിഹരിക്കപ്പെട്ടതായി നാട്ടുകാര്‍ ചൂണ്ടിക്കാട്ടി. കോവിഡ് മഹാമാരിയുടെ കാലത്ത് പോലും ജീവനക്കാര്‍ രാത്രിയും പകലും ജോലി ചെയ്താണ് വൈദ്യുതി ലൈനുകളുടെ പുനര്‍നിര്‍മ്മാണം പൂര്‍ത്തിയാക്കിയത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
