കൊച്ചി: പൊലീസ് സേനയിലെ പോസ്റ്റൽ ബാലറ്റ് തിരിമറി ആരോപണത്തിൽ അന്വേഷണം വേണമെന്ന പ്രതിപക്ഷ നേതാവ് രമേശ് ചെന്നിത്തലയുടെ ഹർജി ഹൈക്കോടതി ഇന്ന് പരിഗണിക്കും. ഇന്റലിജൻസ് എഡിജിപിയുടെ റിപ്പോർട്ടിന്റെ അടിസ്ഥാനത്തിൽ തെരഞ്ഞെടുപ്പ് കമ്മീഷൻ സ്വതന്ത്ര അന്വേഷണം നടത്തണമെന്നതാണ് ഹർജിയിലെ ആവശ്യം.
വോട്ടെണ്ണുന്ന ദിവസം 8 മണി വരെ പോസ്റ്റൽ വോട്ട് നൽകാമെന്നിരിക്കെ ഇനിയും മടങ്ങി വരാത്ത പോസ്റ്റൽ ബാലറ്റുകൾ മടക്കിവിളിച്ച് പുതിയ ബാലറ്റ് പേപ്പറുകൾ നൽകണമെന്നും ഹർജിയിൽ ആവശ്യപ്പെടുന്നു. പോസ്റ്റല് വോട്ടുമായി ബന്ധപ്പെട്ട് നിരവധി ആരോപണങ്ങള് ഉയരുന്ന സാഹചര്യത്തിലാണ് പ്രതിപക്ഷ നേതാവ് നിയമപരമായി നീങ്ങുന്നത്.