ദില്ലി; പാക് വ്യോമാക്രമണത്തിന് തിരിച്ചടി നല്‍കുന്നതിനിടെ ശത്രു സൈന്യത്തിന്‍റെ പിടിയിലായ വിംഗ് കാമാന്‍ഡര്‍ അഭിനന്ദന്‍ വർധമാൻ ഇന്ത്യയിൽ തിരിച്ചെത്തി.
വ്യോമ സേന ഗ്രൂപ്പ് ക്യാപ്റ്റന്‍ ജെ റ്റി കുര്യനാണ് വാഗാ അതിര്‍ത്തിയില്‍ അഭിനന്ദനെ സ്വീകരിച്ചത്.
വാഗാ അതിര്‍ത്തി ചെക്ക്പോസ്റ്റില്‍ മെഡിക്കല്‍ പരിശോധനയ്ക്കുശേഷം റെഡ്ക്രോസിന്‍റെ സാന്നിധ്യത്തിലാണ് അഭിനന്ദനെ ഇന്ത്യക്കു കൈമാറിയത്.
അഭിനന്ദനെ കൈമാറുന്നതിനോട് അനുബന്ധിച്ച്‌ അട്ടാരി-വാഗാ അതിര്‍ത്തിയിലെ പതാക താഴ്ത്തല്‍ (ബീറ്റിംഗ് റിട്രീറ്റ്) ചടങ്ങ് ബിഎസ്‌എഫ് റദ്ദാക്കിയിരുന്നു. അന്താരാഷ്ട്ര ശ്രദ്ധ നേടാനുള്ള പാകിസ്ഥാന്‍റെ നീക്കം തടയാനാണ് റദ്ദാക്കല്‍.
