അഷ്ടമുടി: കൊല്ലം അഷ്ടമുടി സഹകരണ ആശുപത്രിയില് പ്രസവത്തെ തുടര്ന്ന് യുവതി മരിച്ച സംഭവത്തില് ആശുപത്രിക്കെതിരെ ആരോപണവുമായി ബന്ധുക്കൾ രംഗത്ത്. കൊല്ലം മൈലക്കാട് സ്വദേശി വിപിന്റെ ഭാര്യ ഹര്ഷ മരിച്ചത് ചികിത്സാപ്പിഴവ് കാരണമാണെന്നാണ് ബന്ധുക്കൾ ആരോപിക്കുന്നത്.
പേരക്കുട്ടിയെ ഏറ്റുവാങ്ങാൻ വേണ്ടിയിരുന്ന വീട്ടിലേക്കാണ് അമ്മയുടെ ചേതനയറ്റ ശരീരം കൊണ്ടുവന്നത്. കഴിഞ്ഞദിവസമാണ് കൊല്ലം അഷ്ടമുടി സഹകരണ ആശുപത്രിയില് പ്രസവത്തെ തുടര്ന്ന് ഹർഷ മരിച്ചത്. പ്രസവത്തിന് തൊട്ടുമുന്പ് യുവതിയുടെ ആരോഗ്യസ്ഥിതി മോശമായതിനെ തുടര്ന്ന് ശസ്ത്രക്രിയയിലൂടെയാണ് കുഞ്ഞിനെ പുറത്തെടുത്തത്.
ആരോഗ്യസ്ഥിതി വഷളായതിനെ തുടര്ന്ന് മറ്റൊരു സ്വകാര്യ ആശുപത്രിയിലേക്ക് എത്തിക്കുമ്പോഴേക്കും യുവതി മരണപ്പെട്ടിരുന്നു. നവജാത ശിശു ഇപ്പോഴും കൊല്ലത്തെ സ്വകാര്യ ആശുപത്രിയില് ചികിത്സയിലാണ്. ആശുപത്രിയ്ക്കെതിരെ ആരോപണം ഉയർന്ന പശ്ചാത്തലത്തില് വിവിധ രാഷ്ട്രീയ പാര്ട്ടികള് പ്രതിഷേധവുമായി രംഗത്ത് എത്തിയിരുന്നു.