ഓവല്: ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റില് ഇന്ത്യയുടെ ഒന്നാമിന്നിങ്സ് 191 റണ്സില് അവസാനിച്ചു. ഒന്നാം ദിനം കളിയവസാനിക്കുമ്പോള് ഇംഗ്ലണ്ട് മൂന്നു വിക്കറ്റ് നഷ്ടത്തില് 53 റണ്സെന്ന നിലയിലാണ്. എട്ടാം വിക്കറ്റില് 127ന് ഏഴ് എന്ന നിലയില് തകര്ന്ന ടീം ഇന്ത്യ ഷാര്ദുല് താക്കൂറും ഉമേശ് യാദവും നടത്തിയ ചെറുത്തുനില്പ്പാണ് വന് നാണക്കേടില് നിന്നും രക്ഷിച്ചത്. അര്ധ സെഞ്ചുറി നേടിയ ക്യാപ്റ്റന് വിരാട് കോലിയും ഷാര്ദുല് താക്കൂറും മാത്രമാണ് ഇന്ത്യന് നിരയില് പിടിച്ചുനിന്നത്..
ഷാര്ദുല് താക്കൂര് വെറും 36 പന്തില് ഏഴ് ഫോറും മൂന്ന് സിക്സും സഹിതം 57 റണ്സെടുത്ത് ടോപ് സ്കോററായി. കെല് രാഹുല് (17), ചേതേശ്വര് പൂജാര (4), രവീന്ദ്ര ജഡേജ (10), അജിന്ക്യ രഹാന (14), റിഷഭ് പന്ത് (9), ഭുംറ (0), മുഹമ്മദ് സിറാജ് (1) എന്നിങ്ങനെയാണ് മറ്റ് ഇന്ത്യന് താരങ്ങളുടെ പ്രകടനം. രണ്ടു മാറ്റങ്ങളോടെയാണ് ഇന്ത്യ കളത്തിലിറങ്ങുന്നത്. ഇഷാന്ത് ശര്മയ്ക്കും മുഹമ്മദ് ഷമിക്കും പകരം ഉമേഷ് യാദവും ഷാര്ദുല് താക്കൂറും ടീമിലിടം നേടി.
പരമ്പരയിലെ ആദ്യ മല്സരം കളിച്ച ക്രിസ് വോക്സാണ് ഇംഗ്ലീഷ് ബൗളര്മാരില് മികച്ചുനിന്നത്. വോക്സ് നാലു വിക്കറ്റുകള് വീഴ്ത്തി. മൂന്നു വിക്കറ്റുമായി ഓലി റോബിന്സണ് മികച്ച പിന്തുണ നല്കി. ജെയിംസ് ആന്ഡേഴ്സനും ക്രെയ്ഗ് ഒവേര്ട്ടനും ഓരോ വിക്കറ്റ് വീതം ലഭിച്ചു.
അതേസമയം റോറി ബേണ്സ് (5), ഹസീബ് ഹമീദ് (0), ക്യാപ്റ്റന് ജോ റൂട്ട് (21) എന്നിവരുടെ വിക്കറ്റുകളാണ് ഇംഗ്ലണ്ടിന് നഷ്ടമായത്.26 റണ്സുമായി മലനും ഒരു റണ്സുമായി നൈറ്റ് വാച്ച്മാന് ഓവര്ടെണുമാണ് ക്രീസില്. ഇതോടെ ഏഴ് വിക്കറ്റ് അവശേഷിക്കെ ഇംഗ്ലണ്ട് ഇന്ത്യയോട് ഒന്നാം ഇന്നിംഗ്സില് 138 റണ്സ് പിന്നിലാണ്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
