ഇരിങ്ങാലക്കുട: പോക്സോ കേസിൽ മദ്രസ അധ്യാപകന് പിടിയിൽ. വെള്ളാങ്കല്ലൂര് പട്ടേപ്പാടം സ്വദേശി മണിപറമ്പില് വീട്ടില് തൊയ്ബ് ഫര്ഹാന് (22) ആണ് അറസ്റ്റിലായത്. ഒമ്പതു വയസ്സുകാരിയെ പീഡിപ്പിക്കാൻ ശ്രമിച്ച കേസിലായിരുന്നു അറസ്റ്റ്. കുട്ടി സംഭവം മാതാപിതാക്കളെ അറിയിക്കുകയും മാതാപിതാക്കള് പൊലീസില് പരാതി നല്കുകയുമായിരുന്നു.
മാതാപിതാക്കളുടെ പരാതിയുടെ അടിസ്ഥാനത്തിൽ ഇരിങ്ങാലക്കുട പൊലീസ് കേസെടുത്തു. സി.ഐ. അനീഷ് കരീം, എസ്.ഐ എം.എസ്. ഷാജന് എന്നിവരുടെ നേതൃത്വത്തിലുള്ള സംഘമാണ് അറസ്റ്റു ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.