തിരുവനന്തപുരം: ഡിജിപി ജേക്കബ് തോമസ് ഐപിഎസ് പദവിയില്‍ നിന്നും വിരമിച്ചു. ചീഫ് സെക്രട്ടറിക്കും കേന്ദ്രസര്‍ക്കാരിനും അദ്ദേഹം സ്വയം വിരമിക്കലിനുള്ള അപേക്ഷ നല്‍കി. ലോക്‌സഭാ തെരഞ്ഞെടുപ്പില്‍ ട്വന്‍ി 20 കൂട്ടായ്മയുടെ ചാലക്കുടിയിലെ സ്ഥാനാര്‍ഥിയായി മത്സരിക്കാനാണ് രാജി. രാജിയുമായി ബന്ധപ്പെട്ട നടപടിക്രമങ്ങള്‍ പൂര്‍ത്തീകരിച്ച ശേഷം ഞായറാഴ്ചയോടെ ജേക്കബ് തോമസിന്റെ പേര് പ്രഖ്യാപിക്കുമെന്നാണ് അറിയുന്നത്. 2017 ഡിസംബര്‍ 30 മുതല്‍ സസ്‌പെന്‍ഷനിലായ അദ്ദേഹം മുപ്പത്തിമൂന്ന് വര്‍ഷത്തെ സര്‍വീസിനു ശേഷമാണ് വിരമിക്കുന്നത്. നിലവില്‍ വിജിലന്‍സ് അന്വേഷണവും അദ്ദേഹം നേരിടുന്നുണ്ട്. അരാഷ്ട്രീയ കൂട്ടായ്മയുടെ സ്ഥാനാര്‍ഥിയായി ജേക്കബ് തോമസ് എത്തുമ്പോള്‍ ഇരുമുന്നണികള്‍ക്കും വെല്ലുവിളിയാകുമെന്ന് തീര്‍ച്ച. അഴിമതി വിരുദ്ധ പ്രചിച്ഛായ വോട്ടാക്കി മാറ്റാമെന്നും ട്വന്റി 20 കൂട്ടായ്മ കരുതുന്നു.
ചാലക്കുടിയില്‍ ട്വന്റി 20 പഞ്ച് ഹിറ്റര്‍ എത്തും ; ഡിജിപി സ്ഥാനമില്ലാതെ
