ദൽഹി: ശബരിമല പ്രക്ഷോഭത്തിൽ മുൻനിര നായകനായിരുന്നു ബിജെപി സംസ്ഥാന ജനറൽ സെക്രട്ടറി കെ സുരേന്ദ്രൻ തന്നെ ശബരിമല നിൽക്കുന്ന പത്തനംതിട്ട ലോകസഭാ മണ്ഡലത്തിലെ എൻഡിഎ സ്ഥാനാർഥിയാകും ഡൽഹിയിൽ ബിജെപി അഖിലേന്ത്യ ജനറൽ സെക്രട്ടറി ജെ.പി നദ്ദയാണ് ഇന്ന് പുറത്തു വിട്ട സ്ഥാനാർഥി പട്ടികയിൽ പത്തനംതിട്ടയും പ്രഖ്യാപിച്ചത്. തെലുങ്കാനയിലെ ആറും, ഉത്തരപ്രദേശിലെ മൂന്നു ബംഗാളിലേയും, കേരളത്തിലേയും ഓരോ സീറ്റുകളിലേക്കുള്ള സ്ഥാനാർത്ഥി പട്ടികയാണ് നദ്ദ പുറത്തുവിട്ടത്.
ഇതോടെ, പ്രവർത്തകരുടേയും, വിശ്വാസികളുടേയും ആവർത്തിച്ചുള്ള ആവശ്യത്തിന് കേന്ദ്ര നേതൃത്വം നൽകിയ അംഗീകാരമാവുകയാണ്. ജയസാദ്ധ്യത നിലനിൽക്കുന്ന പത്തനംതിട്ടക്കായി നേരത്തെ സംസ്ഥാന പ്രസിഡന്റ് ശ്രീധരൻ പിള്ളയുടേയും, കേന്ദ്രമന്ത്രി അൽഫോൻസ് കണ്ണന്താനവും അവകാശം ഉന്നയിച്ചതായി വാർത്തകൾ വന്നിരുന്നു.
