തിരുവനന്തപുരം: ഗവർണർക്ക് നേരെയുണ്ടായ കൈയേറ്റത്തിൽ മാപ്പ് പറയണമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. സംഭവത്തെ കുറിച്ച് സർക്കാരിനോട് വ്യക്തമാക്കിയിട്ടും ഇതുവരെയും ഒരു നടപടിയും സ്വീകരിച്ചിട്ടില്ല. കേസ് വേണ്ടെന്നുവച്ചത് മുഖ്യമന്ത്രിയുടെ നിർദേശപ്രകാരമാണ്. ഗവർണർക്ക് ലഭിക്കാത്ത നീതി സാധാരണ ജനങ്ങൾക്കും ലഭിക്കില്ലെന്നും കെ സുരേന്ദ്രൻ പറഞ്ഞു.
അതേസമയം, മുഖ്യമന്ത്രിക്കെതിരെ വീണ്ടും ഗവര്ണര് ആരിഫ് മുഹമ്മദ് ഖാന് രംഗത്ത് എത്തിയിരുന്നു. കണ്ണൂര് സര്വകലാശാല ചരിത്ര കോണ്ഗ്രസിനിടെ നടന്ന സംഭവത്തില് പൊലീസ് സ്വമേയധാ കേസെടുക്കാത്തതിന് കാരണം ആഭ്യന്തര വകുപ്പും മുഖ്യമന്ത്രി പിണറായി വിജയനും ആണെന്ന് ഗവര്ണര് ആരോപണം ഉന്നയിച്ചു.
തന്നെ നിശബ്ദമാക്കാനാണ് ശ്രമിക്കുന്നതെങ്കില് അത് നടക്കില്ലെന്നും ഗവര്ണര് കൊച്ചിയില് വ്യക്തമാക്കി. സിപിഐഎമ്മിനോട് തനിക്ക് സഹതാപമാണ്. ഒരു ഗവര്ണര്ക്കെതിരെയോ രാഷ്ട്രപതിക്കെതിരെയോ ആക്രമണമുണ്ടായാല് റിപ്പോര്ട്ടിംഗ് ഇല്ലാതെ കേസെടുക്കാം. നിയമത്തിന്റെ എബിസിഡി അറിയാത്തവരാണോ കേരളം ഭരിക്കുന്നതെന്നും ഗവര്ണര് ചോദ്യം ഉന്നയിച്ചു.