പ്രഖ്യാപനം മുതൽ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന സിനിമയാണ് ഉലകനായകൻ കമൽ ഹാസനെ നായകനാക്കി ലോകേഷ് കനകരാജ് സംവിധാനം ചെയ്യുന്ന ആക്ഷൻ ത്രില്ലർ ചിത്രം വിക്രം. ‘വിക്രം’ എന്ന പുതിയ ചിത്രം റിലീസ് ചെയ്യുന്നത് ജൂണ് മൂന്നിനാണ്. കമല്ഹാസന്റെ ‘വിക്രം’ എന്ന ചിത്രത്തിന്റെ ഒടിടി റൈറ്റ്സ് സംബന്ധിച്ചുള്ളതാണ് പുതിയ വാര്ത്ത. ഡിസ്നി പ്ലസ് ഹോട്സ്റ്റാറാണ് ചിത്രത്തിന്റെ ഒടിടി റിലീസ് സ്വന്തമാക്കിയിരിക്കുന്നത്.
കമൽഹാസനെ കൂടാതെ മക്കൾ സെൽവൻ വിജയ് സേതുപതിയും, മലയാളികളുടെ പ്രിയ നടൻ ഫഹദ് ഫാസിലും പ്രധാന വേഷത്തിൽ എത്തുന്നുണ്ട്. ലോകേഷ് കനകരാജ് ആണ് ചിത്രം സംവിധാനം ചെയ്യുന്നത് എന്നതിനാൽ ചിത്രത്തിനായുള്ള പ്രതീക്ഷ വര്ദ്ധിപ്പിക്കുന്നു.
അതേസമയം കമല്ഹാസനൊപ്പം ‘വിക്രം’ എന്ന ചിത്രത്തില് മലയാളി താരങ്ങളും അഭിനയിക്കുന്നുണ്ട്. ഫഹദ്, കാളിദാസ് ജയറാം, നരേൻ തുടങ്ങിയവരാണ് ചിത്രത്തില് അഭിനയിക്കുന്നത്. രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസന് തന്നെയാണ് വിക്രം നിർമ്മിക്കുന്നത്. സംഗീതം അനിരുദ്ധ്. എഡിറ്റിംഗ് ഫിലോമിന് രാജ്. സംഘട്ടന സംവിധാനം അന്പറിവ്. നൃത്തസംവിധാനം ദിനേശ്. പിആര്ഒ ഡയമണ്ട് ബാബു. ശബ്ദ സങ്കലനം കണ്ണന് ഗണ്പത്. ചെന്നൈയില് വൈകാതെ ചിത്രീകരണം ആരംഭിക്കും.