കണ്ണൂർ: കാൾടെക്‌സ് ജംങ്ഷനിലെ സിഗ്നലില്‍ സ്കൂട്ടര്‍ യാത്രക്കാരന് ദാരുണാന്ത്യം. ഇന്ന് ഉച്ചയ്ക്ക് 2.45നാണ് അപകടം നടന്നത്. സിഗ്നലില്‍ നിര്‍ത്തിയിട്ടിരുന്ന ലോറികള്‍ക്കിടയില്‍ കുടുങ്ങിയാണ് അപകടം.
സിഗ്നലില്‍ വെച്ച് കണ്ടെയ്നര്‍ ലോറിയുടെയും ടിപ്പറിന്റെയും ഇടയില്‍ നിര്‍ത്തിയ സ്കൂട്ടര്‍ രണ്ടുവാഹനങ്ങളുടെയും ഇടയില്‍ കുടുങ്ങുകയായിരുന്നു. എന്നാൽ തലയിലൂടെ കണ്ടെയ്നര്‍ ലോറി കയറിയിറങ്ങിയതിനാല്‍ ആളെ തിരിച്ചറിയാനാവാത്ത സ്ഥിതിയിലാണ്.
ഇതേതുടർന്ന് സ്ഥലത്തെത്തിയ കണ്ണൂര്‍ ഫയര്‍ഫോഴ്സ് മൃതദേഹം ജില്ല ആശുപത്രിയിലേക്ക് മാറ്റി. അപകടത്തെ തുടര്‍ന്ന് അല്‍പനേരം ഗതാഗതം മുടങ്ങി. ഒരുമാസം മുൻപ് ഇതേസ്ഥലത്ത് സ്കൂട്ടര്‍ യാത്രക്കാരി ലോറി കയറി മരിച്ചിരുന്നു.
