തിരുവനന്തപുരം: സംസ്ഥാനത്ത് അടുത്ത മൂന്ന് ദിവസത്തേയ്ക്ക് ശക്തമായ മഴക്ക് സാധ്യത. ഒറ്റപ്പെട്ടയിടങ്ങളില് ഇടിയോട് കൂടിയ മഴ പെയ്തേക്കും. ബുധനാഴ്ചയോടെ ബംഗാള് ഉള്ക്കടലില് ആൻഡമാൻ കടലിന് മുകളിലായി ചക്രവാതച്ചുഴി രൂപപ്പെട്ടേക്കും.
തുടർന്നുള്ള 24 മണിക്കൂറിനുള്ളില് ഇത് ന്യൂനമര്ദ്ദമായി മാറും. ഇതിന്റെ ഫലമായി തെക്ക് പടിഞ്ഞാറന് ബംഗാള് ഉള്ക്കടലില് ശക്തമായ കാറ്റിനും സാധ്യതയുണ്ട്. മോശം കാലാവസ്ഥയ്ക്ക് സാധ്യതയുള്ളതിനാല് മത്സ്യതൊഴിലാളികള് ജാഗ്രത പാലിക്കാൻ നിർദ്ദേശം നൽകിയിട്ടുണ്ട്. മധ്യ തെക്കന് ജില്ലകളിലാണ് കൂടുതല് മഴയ്ക്ക് സാധ്യത.
