ഹാമിൽട്ടൻ: സച്ചിൻ തെണ്ടുൽക്കറുടെ റെക്കോർഡ് മറികടന്ന് കിവീസ് നായകൻ ടോം ലാത്തം. ഹാമിൽട്ടണിൽ നെതർലാന്റ്‌സിനെതിരായ മത്സരത്തിലാണ് ലാത്തത്തിന്റെ പ്രകടനം. 123 പന്തുകളിൽ നിന്ന് ലാത്തം 140 റൺസ് നേടി നോട്ടൗട്ടായാണ് ലാത്തം റെക്കോർഡിട്ടത്. കിവീസ് 118 റൺസിന് കളി വിജയിച്ചതോടെ 2-0ന് ന്യൂസിലാൻ് മുന്നിലെത്തി.
തന്റെ കരിയറിലെ ഏറ്റവും മികച്ച പ്രകടനമാണ് ലാത്തം ജന്മദിനത്തിൽ കാഴ്‌ച്ചവച്ചത്. 10 ബൗണ്ടറികളും അഞ്ച് സിക്‌സറുകളും അടങ്ങുന്നതാണ് ഇന്നിങ്‌സ്. 2011ൽ റോസ് ടെയ്‌ലർ നേടിയ 131 റൺസായിരുന്നു ഒരു കിവീസ് താരത്തിന്റെ ജന്മദിനത്തിലെ ഏറ്റവും ഉയർന്ന സ്‌കോർ. 2008ൽ ശ്രീലങ്കയുടെ സനത് ജയസൂര്യ(130), 1993ൽ ഇന്ത്യയുടെ വിനോദ് കാംബ്ലി(100) എന്നിവരാണ് ജന്മദിനത്തിൽ സെഞ്ച്വറി തികച്ച മറ്റ് ബാറ്റർമാർ.
