കണ്ണൂര്:ജില്ലയില് കോവിഡ് കാലത്ത് നിര്ത്തിവച്ച ബസ് സര്വീസുകള് കെഎസ്ആര്ടിസി പുനഃസ്ഥാപിക്കും.കോവിഡ് കാലത്ത് നിര്ത്തിയ കണ്ണൂര് റെയില്വേ സ്റ്റേഷനില് നിന്ന് കാസര്ഗോഡ് ഭാഗത്തേക്കുള്ള രാത്രികാല കെഎസ്ആര്ടിസി സര്വീസുകള് എത്രയും വേഗം പുനഃസ്ഥാപിക്കും.
പയ്യന്നൂര് -പഴയങ്ങാടി -കണ്ണൂര് റൂട്ടിലും കെഎസ്ആര്ടിസി ബസ് സര്വീസ് പുനരാരംഭിക്കും. കണ്ണൂര്, പയ്യന്നൂര്, തലശേരി യൂണിറ്റുകളില് നിന്നും വരുമാനം ലഭിക്കുന്ന സര്വീസുകള് പുനസ്ഥാപിച്ചിട്ടുണ്ടെന്ന് കെഎസ്ആര്ടിസി അറിയിച്ചു. കണ്ണൂര് റെയില്വേ സ്റ്റേഷനിലെ പ്രീപെയ്ഡ് ഓട്ടോ കൗണ്ടര് സജീവമാക്കാന് ആര്ടി ഒക്ക് യോഗം നിര്ദേശം നല്കി.സ്വകാര്യ ബസുകള്ക്ക് ഉള്നാടന് സര്വീസുകള് ആരംഭിക്കാന് റൂട്ട് പെര്മിറ്റുകള് നല്കുന്നത് അടിയന്തരമായി തീരുമാനിച്ച് റിപ്പോര്ട്ട് ചെയ്യാന് ആര്ടിഒയ്ക്ക് ജില്ലാ കളക്ടര് എസ്. ചന്ദ്രശേഖര് നിര്ദേശം നല്കി. വിദ്യാര്ഥികള് ഉള്പ്പെടെ അനുഭവിക്കുന്ന യാത്രാപ്രശ്നം പരിഗണിച്ചാണിത്