പഞ്ച്ഗുള: ദേശീയ പൗരത്വ പട്ടിക (എന്ആര്സി) നടപ്പാക്കാനൊരുങ്ങി ഹരിയാന മുഖ്യമന്ത്രി എം.എല് ഖട്ടറും രംഗത്തെത്തി. ജാര്ഖണ്ഡ്, മഹാരാഷ്ട്ര മുഖ്യമന്ത്രിമാര്ക്ക് പിന്നാലെയാണ് അസം മാതൃകയില് പൗരത്വ രജിസ്ട്രേഷന് നടപ്പാക്കി അനധികൃത കുടിയേറ്റക്കാരെ പുറത്താക്കുമെന്ന മുന്നറിയിപ്പുമായി ഹരിയാന മുഖ്യമന്ത്രിയും രംഗത്തെത്തിയത്.
നിയമസഭ തിരഞ്ഞെടുപ്പ് പ്രചാരണത്തിന്റെ ഭാഗമായി പഞ്ച്ഗുളയില് റിട്ട. ജസ്റ്റിസ് എച്ച്.എസ് ഭല്ല, നേവി മുന് തലവന് സുനില് ലംബ എന്നിവരെ സന്ദര്ശിച്ചതിന് ശേഷം മാധ്യമപ്രവര്ത്തകരോട് സംസാരിക്കുകയായിരുന്നു ഖട്ടര്. എന്ആര്സി നടപ്പാക്കുന്നതിനായി സംസ്ഥാനത്തെ പ്രമുഖരുടെ പിന്തുണ തേടുമെന്നും അദ്ദേഹം പറഞ്ഞു. എച്ച് എസ് ബല്ലയുമായി ഇക്കാര്യം ചര്ച്ച ചെയ്തെന്നും അദ്ദേഹത്തിന്റെ പിന്തുണ തേടിയെന്നും ഖട്ടര് പറഞ്ഞു. രാജ്യത്താകമാനം പൗരത്വ പട്ടിക തയ്യാറാക്കണമെന്നും അദ്ദേഹം ആവശ്യപ്പെട്ടു. അടുത്ത മാസമാണ് ഹരിയാനയില് നിയമസഭാ തിരഞ്ഞെടുപ്പ് നടക്കുന്നത്.
