കൊച്ചി: ജലനിരപ്പ് ഉയര്ന്നതിനാല് മലങ്കര ഡാമിന്റെ രണ്ടു ഷട്ടറുകള് ഉയര്ത്താന് തീരുമാനിച്ചതായി എക്സിക്യൂട്ടീവ് എന്ജിനീയര് മുന്നറിയിപ്പ് നല്കി. പതിനഞ്ച് സെന്റിമീറ്റര് വീതമാണ് ഉയര്ത്തുന്നത്. അറ്റകുറ്റപ്പണി നടക്കുന്നതിനാല് വലതുകര മെയിന് കനാലിലേക്കുള്ള നീരൊഴുക്കും നിര്ത്തിവച്ച സാഹചര്യത്തിലാണ് ഷട്ടറുകളുയര്ത്താന് തീരുമാനിച്ചത്.
ഡാമിന്റെ സംഭരണശേഷി 42 മീറ്ററാണ്. ഇടുക്കി ഡാമിന്റെ മൂലമറ്റം പവര്ഹൗസില് വൈദ്യുതോത്പാദനം വര്ധിപ്പിച്ചതോടെ മലങ്കര ഡാമിലേക്ക് വെള്ളം കൂടുതലായി ഒഴുകിയെത്തുകയും ജലനിരപ്പ് 41.94 മീറ്ററായി ഉയരുകയും ചെയ്തു. മലങ്കര മിനി പവര്ഹൗസിലെ മൂന്നു ജനറേറ്ററുകളില് രണ്ടെണ്ണം പ്രവര്ത്തനരഹിതവുമാണ്.
