കൊച്ചി: സിനിമാ തീയേറ്ററിലെ തർക്കത്തിനിടെ ഗർഭിണിയെ മർദിച്ച സംഭവത്തിൽ ഒരാളെ പൊലീസ് അറസ്റ്റ് ചെയ്തു. കഴിഞ്ഞ 21-ന് രാത്രിയാണ് കേസിനാസ്പദമായ സംഭവം. ഇതേതുടർന്ന് കറുകപ്പള്ളി സഫിയ മന്സിലില് ഉമ്മര് ഫാറൂഖി(18)നെയാണ് പൊലീസ് അറസ്റ്റ് ചെയ്തത്.
കൊച്ചി നഗരത്തിലെ ഒരു സിനിമ തിയറ്ററില് സിനിമ കാണുന്നതിനിടെ യുവതിയും ഭര്ത്താവും സിനിമയിലെ ഡയലോഗുകള്ക്ക് കമന്റ് പറയുകയുണ്ടായി.ഇതാണ് തൊട്ടടുത്ത സീറ്റിലിരുന്നവരെ പ്രകോപിതരാക്കിയതെന്ന് പൊലീസ് പറഞ്ഞു.
പിന്നീട് തീയറ്ററില്നിന്ന് പുറത്തിറങ്ങിയ സംഘം ഗര്ഭിണിയോടും ഭര്ത്താവിനോടും തട്ടിക്കയറി. ഇതുകൂടാതെ ദമ്പതികൾ വീട്ടിലേക്കു പോകുന്ന വഴിയില് കറുകപ്പള്ളി മൈക്രോ ജംഗ്ഷനില് വച്ച് കാറിലെത്തി സംഘം യുവതിയെ മർദ്ദിക്കുകയായിരുന്നു. എന്നാൽ സംഭവത്തിൽ ഉൾപ്പെട്ട നാല് പേർ ഒളിവിലാണ്. ഒളിവിൽ പോയവർക്കായി പൊലീസ് തെരച്ചിൽ തുടരുകയാണ്.