മലയാള സിനിമയിലെ പകരക്കാരില്ലാത്ത താരസാന്നിധ്യമാണ് മഞ്ജു വാര്യർ ഇന്ന്. 14 വർഷത്തോളം നീണ്ട ഇടവേളയ്ക്ക് ശേഷമുള്ള നടിയുടെ തിരിച്ചു വരവ് ലേഡി സൂപ്പർ സ്റ്റാർ എന്ന പദവിയിൽ എത്തിച്ചിരിക്കുകയാണ്. ഇപ്പോഴിതാ മഞ്ജു വാര്യരുടെ ഒരു പഴയ സ്റ്റേജ് പെർഫോമൻസിന്റെ വീഡിയോ ആണ് വൈറലാവുന്നത്. ജിയ ചലേ ജാൻ ചലേ എന്ന ഗാനത്തിനൊപ്പം ചുവടുവെയ്ക്കുന്ന മഞ്ജുവിനെയാണ് വീഡിയോയിൽ കാണാനാവുക.
അതേസമയം അടുത്തിടെ, സ്കൂൾ കാലത്തു നിന്നുള്ള മഞ്ജുവിന്റെ ഏതാനും ചിത്രങ്ങളാളും ശ്രദ്ധ നേടിയിരുന്നു. കലോത്സവ വേദികളിൽ നൃത്തം ചെയ്യുന്ന മഞ്ജുവിനെയാണ് ചിത്രങ്ങളിൽ കാണാനാവുക. സിനിമ താരങ്ങളുടെ പഴയ വിഡിയോകളും, ചിത്രങ്ങളും പലപ്പോഴും ആരാധകർക്കിടയിൽ വൈറലാകാറുണ്ട്.
മുൻപ് കലോത്സവവേദികളിലെ താരമായി പിന്നീട് സിനിമയുടെ ലോകത്തെത്തിയ അഭിനേത്രിയാണ് മഞ്ജു വാര്യർ. നൃത്തത്തിൽ നിന്നുമാണ് മഞ്ജു വാര്യർ അഭിനയത്തിലേക്ക് എത്തുന്നത്. രണ്ട് വർഷം തുടർച്ചയായി സംസ്ഥാന സ്കൂൾ യുവജനോത്സവത്തിൽ കലാതിലക പട്ടം അണിഞ്ഞിട്ടുള്ള മഞ്ജു വാര്യർ 1995-ൽ പുറത്തിറങ്ങിയ ‘സാക്ഷ്യം’ എന്ന ചിത്രത്തിലൂടെയായിരുന്നു അഭിനയരംഗത്തെത്തിയത്. പിന്നീട് ‘സല്ലാപം’ എന്ന ചിത്രത്തിലൂടെ നായികയായും അരങ്ങേറ്റം കുറിക്കുകയായിരുന്നു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
