വീട്ടിലെ ചെറിയ കുട്ടികള്‍ മുതല്‍ പ്രായമായവര്‍ വരെ ഒരുപോലെ അനുഭവിക്കുന്ന ഒന്നാണ് മാനസിക സമ്മര്‍ദ്ദം. നമ്മളില്‍ പലരും സമ്മര്‍ദ്ദങ്ങള്‍ ഉണ്ടാകുന്ന ദൈനംദിന ജീവിത സാഹചര്യങ്ങളിലൂടെ കടന്നുപോകുന്നവരാണ്. ജോലിസംബന്ധമായ പ്രശ്നങ്ങള്‍, പഠനഭാരം, അങ്ങനെ തുടങ്ങി ഒത്തിരികാര്യങ്ങളില്‍ നമ്മൾ സമ്മര്‍ദ്ദം നേരിടുന്നുണ്ട്. എന്നാൽ ഇതിൽ നിന്നും രക്ഷനേടാന്‍ സഹായിക്കുന്ന ചില ടിപ്‌സിനെ കുറിച്ച്‌ അറിയാം.
സമ്മര്‍ദ്ദം പിടിമുറുക്കുന്ന സാഹചര്യങ്ങള്‍ ഉണ്ടാകുമ്പോൾ ചില യോഗാസനങ്ങള്‍ ചിട്ടയായി ശീലമാക്കിയാല്‍ ശാരീരിക നേട്ടങ്ങള്‍ക്കൊപ്പം മാനസികമായ ക്ഷേമവും ഉറപ്പാക്കാനാകും.
നമുക്ക് ‘സ്ട്രെസ്’ വരുന്നത് എവിടെ നിന്നാണെന്ന് മനസിലാക്കുക. വ്യക്തികളില്‍ നിന്നാണെങ്കില്‍ അവരില്‍ നിന്ന് കഴിവതും വഴിമാറി നടക്കുക.
