ഭാരതത്തിലെ ഏറ്റവും ശക്തരായ വ്യക്തികളുടെ പട്ടികയിൽ ഒന്നാം സ്ഥാനത്ത് തുടർന്ന് ഇന്ത്യൻ പ്രധാനമന്ത്രി നരേന്ദ്ര മോദി. ഇന്ത്യൻ എക്സ്പ്രസ് പ്രസിദ്ധീകരിച്ച പട്ടികയിലാണ് പ്രധാനമന്ത്രി നരേന്ദ്ര മോദി വീണ്ടും ഒന്നാമതെത്തിയത്. ആഭ്യന്തര മന്ത്രി അമിത് ഷാ രണ്ടാം സ്ഥാനത്തും
ആർഎസ്എസ് സർസംഘചാലക് മോഹൻജി ഭാഗവത് മൂന്നാം സ്ഥാനത്തുമാണ്.
എന്തായാലും, ബിജെപി മുന്നോട്ട് വയ്ക്കുന്ന ആശയങ്ങൾ ജനങ്ങൾ ഏറ്റെടുത്തു ഏറ്റെടുക്കുന്നു എന്നതിന്റെ തെളിവ് തന്നെയാണ് ഇപ്പോൾ പുറത്തു വന്നിരിക്കുന്ന പട്ടിക. അതേസമയം, ഓരോ വർഷം കഴിയുന്തോറും പ്രധാനമന്ത്രി നരേന്ദ്രമോദിയോടുള്ള പ്രിയം കൂടി വരുന്നുവെന്നാണ് ഇംഗ്ലീഷ് ദിനപത്രത്തിന്റെ റിപ്പോർട്ടിൽ പറയുന്നത്. 95.6 ദശലക്ഷം ഫോളോവേഴ്സാണ് പ്രധാനമന്ത്രി നരേന്ദ്ര മോദിയ്ക്ക് എക്സ് പ്ലാറ്റ്ഫോമിലുള്ളത്. ഇത് ലോകനേതാക്കളുമായി താരതമ്യപ്പെടുമ്പോൾ വളരെ വലുതാണ്. പട്ടികയിൽ നാലം സ്ഥാനത്ത് സുപ്രീംകോടതി ചീഫ് ജസ്റ്റിസ് ഡിവൈ ചന്ദ്രചൂഡാണ്. അഞ്ചാം സ്ഥാനത്ത് വിദേശകാര്യമന്ത്രി എസ്. ജയ്ശങ്കറുമാണ്. ഉത്തർപ്രദേശ് മുഖ്യമന്ത്രി യോഗി ആദിത്യനാഥ്, പ്രതിരോധ മന്ത്രി രാജ്നാഥ് സിംഗ്, കേന്ദ്ര ധനമന്ത്രി നിർമല സീതാരാമൻ, ബിജെപി ദേശീയ അദ്ധ്യക്ഷൻ ജെപി നദ്ദ, അദാനി ഗ്രൂപ്പ് ചെയർമാൻ ഗൗതം അദാനി എന്നിവരാണ് യഥാക്രമം ആറ് മുതൽ പത്താം സ്ഥാനം വരെയുള്ളത്.