കീവ്: യുക്രെയ്നിൽ കുടുങ്ങിയ ഇന്ത്യക്കാരെ ഒഴിപ്പിക്കാൻ സഹായിച്ചതിന് സെലൻസ്കിയ്ക്ക് നന്ദി പറഞ്ഞ് പ്രധാനമന്ത്രി നരേന്ദ്രമോദി (Modi thanks Zelensky for extending help to evacuate Indians from Ukraine). വ്ളോഡിമിർ സെലൻസ്കിയുമായി ഫോണിൽ സംസാരിക്കവെയായിരുന്നു പ്രധാനമന്ത്രിയുടെ പ്രതികരണം. 35 മിനിറ്റോളം ഇരുവരുടേയും സംഭാഷണം നീണ്ടുവെന്നാണ് സൂചന.
സംഭാഷണ വേളയിൽ യുക്രെയ്നിലെ സ്ഥിതിഗതികൾ ഇരുനേതാക്കളും ചർച്ച ചെയ്തു. റഷ്യയും യുക്രെയ്നും തമ്മിലുള്ള സമാധാന ചർച്ചകൾ തുടരുന്നതിനെ പ്രധാനമന്ത്രി പ്രശംസിക്കുകയും ചെയ്തു. സുമിയിൽ നിന്ന് ഇന്ത്യൻ പൗരന്മാരെ ഒഴിപ്പിക്കാനാവശ്യമായ സഹായം അദ്ദേഹം സെലൻസ്കിയോട് ആവശ്യപ്പെട്ടു. ഒഴിപ്പിക്കൽ ദൗത്യം തീരുന്നത് വരെ എല്ലാ പിന്തുണയും വേണമെന്നും പ്രധാനമന്ത്രി സെലൻസ്കിയോട് പറഞ്ഞു. യുദ്ധം 12-ാം ദിവസവും തുടരുന്നതിനിടെ പ്രസിഡന്റ് വ്ളാഡിമിർ പുടിനുമായും പ്രധാനമന്ത്രി ഇന്ന് സംസാരിക്കുന്നുണ്ട്.
സമാധാന ശ്രമങ്ങളുമായി ലോകരാജ്യങ്ങൾ റഷ്യയെ ബന്ധപ്പെടുന്നതിനിടെയാണിത്. ഫ്രഞ്ച് പ്രസിഡന്റ് ഇമ്മാനുവൽ മക്രോൺ പുടിനുമായി ഇന്നും സംസാരിച്ചിരുന്നു. തുടർന്ന് സുമി ഉൾപ്പെടെ നാല് നഗരങ്ങളിൽ റഷ്യ വെടിനിർത്തൽ പ്രഖ്യാപിച്ചിരുന്നു. അതേസമയം റഷ്യയെ അടക്കിനിർത്താൻ ഏഷ്യൻ കരുത്തരായ ഇന്ത്യയോടും ചൈനയോടും ബ്രിട്ടീഷ് ഭരണകൂടം ആവശ്യപ്പെട്ടു. യുക്രെയ്നു മേൽ അതിരൂക്ഷ ആക്രമണം നടത്തുന്ന റഷ്യയെ അനുനയിപ്പിക്കാൻ ഇന്ത്യയുടെയും ചൈനയു ടേയും സംയുക്ത നീക്കമാണ് ബ്രിട്ടൺ അഭ്യർത്ഥിച്ചത്. റഷ്യക്ക് മേൽ നയതന്ത്ര സമ്മർദ്ദം ചെലുത്തണമെന്ന ആവശ്യം ബ്രിട്ടീഷ് ഉപപ്രധാനമന്ത്രി ഡോമിനിക് റാബാണ് മുന്നോട്ടുവെച്ചത്.
ഐക്യരാഷ്ട്ര സഭയിലെ സ്ഥിരം അംഗമെന്ന നിലയിൽ റഷ്യയുമായി ചൈനയ്ക്ക് മികച്ച ബന്ധമാണുള്ളത്. രക്ഷാ സമിതിയിലെ സ്ഥിരാംഗം എന്ന നിലയിൽ ഇന്ത്യയുടേതും നിർണ്ണായകമായ സ്ഥാനമാണ്. ഇരുരാജ്യങ്ങൾക്കും റഷ്യയുമായി നല്ല ബന്ധമാണുള്ളത്. അതിനാൽ നയതന്ത്രബന്ധം ശക്തമാക്കിയുള്ള നീക്കമാണ് ആവശ്യമെന്നും ബ്രിട്ടീഷ് ഭരണകൂടം വ്യക്തമാക്കി.
മണ്ഡല-മകരവിളക്ക് തീർത്ഥാടന കാലയളവിൽ ശബരിമലയിൽ ദർശനത്തിനായി ഓൺലൈൻ വഴി സ്ലോട്ടുകൾ ബുക്ക് ചെയ്യുന്ന ഭക്തരുടെ എണ്ണവും യഥാർത്ഥത്തിൽ സന്നിധാനത്ത് എത്തുന്ന…
ഭാരതത്തിന്റെ സനാതന സാംസ്കാരിക പൈതൃകത്തിന്റെ പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക പൊങ്കാല മഹോത്സവത്തിന് മുന്നോടിയായുള്ള നിലവറദീപം…
1969-ലെ ഉഡുപ്പി സമ്മേളനത്തിൽ എല്ലാ ധർമ്മാചാര്യന്മാരും ഒരേ സ്വരത്തിൽ നൽകിയ സാമൂഹിക സമരസതയുടെ മഹത്തായ ആഹ്വാനം പൂർണ്ണതയിൽ നടപ്പിലാക്കാൻ രാഷ്ട്രീയ…
മുസ്ലിം യൂത്ത് ലീഗ് നേതാവായിരുന്ന അരിയിൽ അബ്ദുൾ ഷുക്കൂർ കൊല്ലപ്പെട്ട കേസിൽ പതിന്നാലര വർഷത്തെ നിയമപോരാട്ടങ്ങൾക്ക് ശേഷം കൊച്ചി സി.ബി.ഐ.…
വിരമിച്ചശേഷം പി.എഫ് അക്കൗണ്ടിലുള്ള മുഴുവൻ തുകയും ഒറ്റത്തവണയായി പിൻവലിക്കാതെ, നിശ്ചിത ഇടവേളകളിൽ ഗഡുക്കളായി കൈപ്പറ്റാൻ അവസരമൊരുക്കുന്ന പുതിയ പദ്ധതിക്ക് എംപ്ലോയീസ്…
ശബരിമല തീർത്ഥാടനവുമായി ബന്ധപ്പെട്ട തിരുവാഭരണഘോഷയാത്ര കടന്നുപോകുന്ന പരമ്പരാഗത പാതയിലെ കൈയേറ്റങ്ങൾ ഒഴിപ്പിക്കണമെന്ന ആവശ്യവുമായി തിരുവാഭരണപാത സംരക്ഷണ സമിതി. മകരസംക്രാന്തി ദിനത്തിൽ…