കൊച്ചി: സംസ്ഥാന സ്കൂൾ കായികമേളയിൽ അത്‌ലറ്റിക്‌സ് വിഭാഗത്തിലെ ആദ്യ സ്വർണം നേടിയത് മലപ്പുറത്തിലെ മുഹമ്മദ് സുൽത്താൻ . 5000 മീറ്റർ സീനിയർ ആൺകുട്ടികളുടെ നടത്ത മത്സരത്തിലാണ് മുഹമ്മദ് സ്വർണം നേടിയത്. രണ്ടാം സ്ഥാനം കോഴിക്കോടിനാണ് കടകശേരി ഐഡിയൽ സ്കൂളിലെ വിദ്യാർത്ഥിയാണ് മുഹമ്മദ്.
തന്റെ റെക്കോർഡ് സമയം മറികടക്കാനായില്ലെങ്കിലും സ്വർണം നേടാനായതിൽ സന്തോഷമുണ്ടെന്ന് മുഹമ്മദ് മാദ്ധ്യമങ്ങളോട് പ്രതികരിച്ചു. കഴിഞ്ഞ വർഷത്തെയും ചമ്പ്യന്മാരാണ് കടകശേരി ഐഡിയൽ സ്കൂൾ.സീനിയർ പെൺകുട്ടികളുടെ 3000 മീറ്റർ നടത്തത്തിൽ മലപ്പുറത്തിലെ തന്നെ കെപി ഗീതു സ്വർണം നേടി ജൂനിയർ ആൺകുട്ടികളുടെ 3000 മീറ്റർ നടത്തത്തിൽ പാലക്കാട് സ്വർണം സ്വന്തമാക്കി. മുണ്ടൂർ എച്ച് എസ് എസിലെ ജഗന്നാഥനാണ് ഒന്നാമതായി ഫിനിഷ് ചെയ്തത്. ഇന്ന് 15 ഇനങ്ങളിലാണ് ഫൈനൽ മത്സരങ്ങൾ നടക്കുന്നത്.
