കൊച്ചി: സഹോദരി ഭര്ത്താവിനെ കൊലപ്പെടുത്താന് ശ്രമിച്ച കേസില് യുവാവ് പിടിയില്. ചേരാനല്ലൂര് ഇടയക്കുന്നം പടയാറ്റില് വീട്ടില് മാര്ട്ടിനെയാണ് (40) അറസ്റ്റ് ചെയ്തത്. ചൂതപ്പറമ്ബല് വീട്ടില് സെബാസ്റ്റ്യനെയാണ് വടിവാള്കൊണ്ട് വെട്ടിയത്. ഇയാള് സ്വകാര്യ ആശുപത്രിയില് ഐ.സി.യുവിലാണ്.
മാതാവിനെ മദ്യലഹരിയില് മര്ദിക്കുന്നത് തടയാന് ശ്രമിച്ചതിന്റെ വിരോധം തീര്ക്കാനാണ് സെബാസ്റ്റ്യനെ ആക്രമിച്ചത്. ശബ്ദം കേട്ട് ഓടിയെത്തിയ അയല്വാസി വിശ്വംഭരനും പരിക്കേറ്റിരുന്നു. ചേരാനല്ലൂര് പൊലീസ് ഇന്സ്പെക്ടറുടെ നേതൃത്വത്തിലാണ് പ്രതിയെ പിടികൂടിയത്.
