തിരുവനന്തപുരം: കേരള പോലീസിനെതിരെ രൂക്ഷമായ ഭീഷണിയുമായി സിപിഎം ഏരിയ സെക്രട്ടറി. നെടുമങ്ങാട് ഏരിയ സെക്രട്ടറി അഡ്വ ജയദേവനാണ് പൊതുസദസ്സിൽ പോലീസിനെതിരെ ഭീഷണി പ്രസംഗം നടത്തിയത്.
പ്രസംഗത്തിലുടനീളം ജയദേവൻ പോലീസുകാരെ അധിക്ഷേപിക്കുകയും ഭീഷണിപ്പെടുത്തുകയുമായിരുന്നു. പോലീസ് ഉദ്യോഗസ്ഥർ അധികകാലം ഞെളിഞ്ഞിരിക്കാമെന്ന് കരുതേണ്ടെന്ന് ജയദേവൻ തന്റെ പ്രസംഗത്തിൽ ഭീഷണിമുഴക്കുന്നു.
സിപിഐ സംസ്ഥാന സെക്രട്ടറി കാനം രാജേന്ദ്രന്റെ ഫ്ളെക്സ് ബോര്‍ഡ് കോണ്‍ഗ്രസ് പ്രവര്‍ത്തകര്‍ നശിപ്പിച്ചിരുന്നു. ഇതിന് പിന്നാലെ എഐവൈഎഫ് പ്രവര്‍ത്തകര്‍ മാര്‍ച്ച് നടത്തി. കോണ്‍ഗ്രസിന്റെ പതാക കത്തിക്കാന്‍ ശ്രമിച്ചു. ഇത് സംഘര്‍ഷത്തിന് കാരണമാകുമെന്ന് ഉറപ്പായതോടെ പോലീസ് പ്രതികളില്‍ നിന്നും ഒരു കൊടി പിടിച്ചുവാങ്ങി. ഇതാണ് ഭീഷണി പ്രസംഗത്തിന് കാരണം.
സി.ഐ സന്തോഷ് കുമാറിനെതിരെ ഇന്നലെ വൈകിട്ട് നടന്ന റാലിയിലാണ് ജയദേവൻ പോർവിളി നടത്തിയത്.ഏത് പോലീസ് ആണെങ്കിലും അവസാനം മര്യാദ പഠിച്ചേ പോകുവെനന്നായിരുന്നു ഭീഷണി മുഴക്കിയത്.
