ദില്ലി :2070 ഓടെ നെറ്റ് സീറോ കാര്ബണ് എമിഷനെന്ന ലക്ഷ്യം മുൻനിർത്തി കേന്ദ്ര– സംസ്ഥാന സര്ക്കാരുകറുകളുടെ കീഴിലുള്ള പഴയ വാഹനങ്ങള് ഒഴിവാക്കാന് കേന്ദ്ര ബജറ്റില് തീരുമാനം. . ഇതിനായി വെഹിക്കിള് സ്ക്രാപിങ് നയത്തിന്റെ അടിസ്ഥാനത്തില് സഹായം നല്കുമെന്ന് ധനമന്ത്രി നിർമല സീതാരാമൻ വ്യക്തമാക്കി. ആകെ ഓടിയ ദൂരം ലക്ഷങ്ങൾ പിന്നിട്ട വാഹനങ്ങൾ ഇപ്പോഴും സർക്കാരുകൾ ഉപയോഗിക്കുന്നുണ്ട്. ഉന്നത ഉദ്യോഗസ്ഥർക്കായി വാങ്ങുന്ന വാഹനങ്ങൾ ദീർഘകാലം ഉപയോഗിച്ച ശേഷം വകുപ്പിലെ താഴെക്കിടയിലുള്ള ഉദ്യോഗസ്ഥർക്കോ മറ്റു വകുപ്പുകൾക്കോ കൈമാറി പോകുന്ന രീതിയുമുണ്ട്.
തലസ്ഥാനത്തടക്കം വായുമലിനീകരണ തോത് ദിനം പ്രതി വർധിക്കുകയാണ്. ഈ സാഹചര്യത്തിൽ ബജറ്റിലെ പ്രഖ്യാപനം വലിയ പ്രതീക്ഷയോടെയാണ് പരിസ്ഥിതി പ്രവർത്തകർ നോക്കി കാണുന്നത്.