പാരീസ്: പോർച്ചുഗൽ സൂപ്പർതാരം ക്രിസ്റ്റിയാനോ റൊണാൾഡോയ്ക്ക് പിന്നാലെ പിഎസ് ജിയുടെ ബ്രസീല് സൂപ്പര് താരം നെയ്മറും സൗദി ക്ലബ്ബിലേക്ക്. സൗദി ക്ലബായ അല് ഹിലാലുമായി രണ്ട് വര്ഷത്തെ ധാരണയിലെത്തിയതായാണ് റിപ്പോർട്ട്. വൈദ്യപരിശോധന പൂര്ത്തിയാക്കി ഇന്ന് തന്നെ കരാര് ഒപ്പിട്ടേക്കുമെന്നാണ് സൂചന. 160 ദശലക്ഷം യൂറോയാണ് ട്രാന്സ്ഫര് തുക. അല് ഹിലാലും അമേരിക്കന് മേജര് സോക്കര് ലീഗ് ക്ലബ്ബുകളും മുന് ക്ലബ് ബാഴ്സലോണയുമാണ് നെയ്മറിനെ സ്വന്തമാക്കാനായി രംഗത്തുണ്ടായിരുന്നത്.
2025 വരെ കരാര് ബാക്കിയുള്ളപ്പോഴാണ് നെയ്മര് പിഎസ്ജിയുമായുള്ള ബന്ധം അവസാനിപ്പിച്ച് സൗദി ക്ലബ്ബിലേക്ക് മാറുന്നത്. 2017ല് ലോക ഫുട്ബോളിലെ സര്വകാല റെക്കോഡ് തുകയ്ക്കാണ് ബ്രസീല് താരം ബാഴ്സലോണയില്നിന്ന് പിഎസ്ജിയിലേക്ക് എത്തിയത്. 243 മില്യണ് ഡോളറായിരുന്നു ട്രാന്സ്ഫര് തുക. ഫ്രഞ്ച് ക്ലബ്ബിനായി 173 മത്സരത്തില്നിന്ന് 118 ഗോളുകള് നെയ്മര് നേടിയിട്ടുണ്ട്.