മുപ്പത്തിയേഴാം ജന്മദിനാഘോഷങ്ങളുടെ നിറവിലാണ് നടിയും ദിലീപിന്റെ ഭാര്യയുമായ കാവ്യാമാധവന്. മലയാളികളുടെ ഒത്തിരി പ്രിയപ്പെട്ട ചിത്രങ്ങളില് ശ്രദ്ധേയമായ വേഷങ്ങളില് തിളങ്ങിയ കാവ്യ ഇപ്പോള് കുടുംബജീവിതത്തിന്റെ തിരക്കുകളിലാണ്. അഭിനയത്തിലേക്ക് ഇനി ഉണ്ടായേക്കില്ല കാവ്യയെന്ന ധാരണയും പ്രചരണത്തിലുണ്ട്. എന്നാല് നടിയുടെ അഭിനയ ജീവിതത്തെ കുറിച്ച് തുറന്ന് പറയുകയാണ് സംവിധായകന് കമല്. കാവ്യയുടെ സിനിമാ കരിയറില് വഴിത്തിരിവായ മമ്മൂട്ടി ചിത്രം അഴകിയ രാവണനില് ഒരു രംഗം ചിത്രീകരിക്കുമ്പോള് ഉന്നയിച്ച ഒരു കാര്യമാണ് ഇപ്പോള് കമല് പറഞ്ഞിരിക്കുന്നത്.
വെണ്ണിലാ ചന്ദനക്കിണ്ണം എന്ന ഗാനം ചിത്രീകരിക്കുമ്പോള് മമ്മൂട്ടിയുടെ ചെറുപ്പകാലം ചെയ്ത പയ്യന് കാവ്യ കുളക്കടവില് വെച്ച് ഒരു ഉമ്മ കൊടുക്കുന്ന രംഗമുണ്ടായിരുന്നു.പക്ഷെ ആ രംഗം ചെയ്യാന് കാവ്യ ഒരു തരത്തിലും സമ്മതിക്കാതിരിക്കുകയായിരുന്നുവെന്ന് കമല് പറയുന്നു. എന്നാല് ഉമ്മ വെയ്ക്കുന്ന രംഗം എടുക്കുമ്പോള് ആരും അവിടെ ഉണ്ടാവാന് പാടില്ലെന്നാണ് കാവ്യ ആവശ്യപ്പെട്ടത്. ‘അത് പറ്റില്ലല്ലോ മോളെ,ഞാനും ക്യാമറാമാനും ഒക്കെ വേണ്ടേ എന്ന് പറഞ്ഞു. അമ്മയെയും അച്ഛനെയും നിര്ത്താമെന്ന് പറഞ്ഞു. അതും കാവ്യ സമ്മതിച്ചില്ല. അമ്മ ഉണ്ടെങ്കില് എനിക്ക് അത് ഒട്ടും ചെയ്യാന് സാധിക്കില്ലെന്നാണ് കാവ്യ പറഞ്ഞത്. ഒടുവില് അമ്മയെ മാറ്റി നിര്ത്തിയിട്ടാണ് ആ സീന് എടുക്കുന്നതെന്നും” കമല് പറഞ്ഞു.