ബംഗളൂരു: കേരളത്തില് നിന്ന് വരുന്നവര്ക്ക് ഇനി കര്ണാടകത്തിലേക്ക് (Karnataka) പ്രവേശിക്കാന് ആര്.ടി.പി.സി.ആര് നെഗറ്റീവ് ഫലം നിര്ബന്ധമില്ല. നിലവിലെ കോവിഡ് -19 സാഹചര്യം കണക്കിലെടുത്ത്, ഗോവയില് നിന്നും കേരളത്തില് നിന്നും വരുന്നവര്ക്ക് ആര് ടി – പി സി ആര് നെഗറ്റീവ് ടെസ്റ്റ് റിപ്പോര്ട്ട് കൈവശം വയ്ക്കുന്നത് നിര്ത്തലാക്കുമെന്ന് സര്ക്കാര് ഉത്തരവിലൂടെ അറിയിച്ചു.
കേരളം, ഗോവ എന്നീ സംസ്ഥാനങ്ങളിൽ നിന്നുള്ള യാത്രക്കാർക്കാണ് നിലവിൽ കർണാടകയിൽ ആർ.ടി.പി.സി.ആർ പരിശോധന ഫലം നിർബന്ധമാക്കിയിരുന്നത്. അതേ സമയം രണ്ട് അല്ലെങ്കില് വാക്സിനേഷന് പൂര്ത്തിയാക്കിയതിന്റെ സര്ട്ടിഫിക്കറ്റ് യാത്രക്കാര്ക്ക് അനിവാര്യമാണെന്നും ഉത്തരവില് പറയുന്നു. കര്ണാടകയില് ബുധനാഴ്ച 1,894 പുതിയ കൊറോണ വൈറസ് കേസുകളും 24 മരണങ്ങളും റിപ്പോര്ട്ട് ചെയ്തിരുന്നു. 5,418 പേര് രോഗമുക്തരായി. ഇതോടെ ആകെ സുഖം പ്രാപിച്ചവരുടെ എണ്ണം 38,68,501 ആയി ഉയര്ന്നതായി ആരോഗ്യ വകുപ്പ് അറിയിച്ചു.
