ഇനി ഒരു വാട്സാപ്പ് ആപ്പില് വ്യത്യസ്ത അക്കൗണ്ടുകള് ഒരേസമയം ലോഗിന് ചെയ്യാം. രണ്ട് അക്കൗണ്ടുകള് മാറി മാറി ഉപയോഗിക്കാൻ കഴിയുന്ന വിധത്തിലാണ് പുതിയ ഫീച്ചർ എത്തിയിരിക്കുന്നത്. ഇനി ക്ലോൺ ആപ്പ് ഉപയോഗിക്കുന്നതിന് പകരം ഒരു ആപ്പിൽ നിന്ന് തന്നെ രണ്ടു അക്കൗണ്ടുകൾ ഉപയോഗിക്കാൻ കഴിയും.
രണ്ട് അക്കൗണ്ടുകള്ക്കും വെവ്വേറെ പ്രൈവസി സെറ്റിങ്സും നോട്ടിഫിക്കേഷന് സെറ്റിങ്സും ആയിരിക്കും ഉണ്ടാവുക. വാട്സാപ്പിന്റെ ബീറ്റാ പതിപ്പുകളിലും സ്റ്റേബിള് വേര്ഷനിവും ഈ അപ്ഡേറ്റുകള് എത്തിയിട്ടുണ്ട്. താമസിക്കാതെ എല്ലാ ഉപയോക്താക്കളിലേക്കും വാട്സാപ്പിന്റെ പുതിയ ഫീച്ചർ ലഭിച്ചു തുടങ്ങും. ടെലഗ്രാം ആപ്പില് ഇതിനകം ലഭ്യമായ ഫീച്ചര് ആണിത്.
നിലവില് രണ്ട് സിം കാര്ഡുകളുണ്ടെങ്കില് വാട്സാപ്പിന്റെ ക്ലോണ് ആപ്പ് എടുത്താണ് പലരും ലോഗിന് ചെയ്യാറ്. എന്നാല് പുതിയ ഫീച്ചര് എത്തുന്നതോടെ ഉപഭോക്താക്കള്ക്ക് ഒരേ ആപ്പില് തന്നെ വ്യത്യസ്ത അക്കൗണ്ടുകള് ലോഗിന് ചെയ്യാനാവും.