തിരുവനന്തപുരം: രോഗിയുടെ മരുന്നു മറിച്ചുവിറ്റ നഴ്സുമാർ അറസ്റ്റിൽ. തിരുവനന്തപുരം മെഡിക്കൽ കോളജിലെ നഴ്സുമാരായ മീർ, വിബിൻ എന്നിവരാണ് അറസ്റ്റിലായത്.
ഗുരുതരാവസ്ഥയിൽ ചികിത്സയിലുള്ള രോഗിയുടെ ബന്ധുക്കൾ വാങ്ങിയ 10,000 രൂപയിലധികം മൂല്യം വരുന്ന മരുന്നാണ് ഇവർ മറിച്ചുവിറ്റത്. ഈ മരുന്നുകൾ മെഡിക്കൽ സ്റ്റോറിൽ നൽകി നഴ്സുമാർ പണം വാങ്ങുകയായിരുന്നു.
മെഡിക്കൽ കോളജ് എസ്ഐ ശ്രീകാന്തിന്റെ നേതൃത്വത്തിലുള്ള പോലീസ് സംഘമാണ് തട്ടിപ്പ് പുറത്തുകൊണ്ടുവന്നത്. മെഡിക്കൽ കോളേജിലെ സിസിടിവി ദൃശ്യങ്ങൾ പരിശോധിച്ചതോടെയാണ് തട്ടിപ്പ് പുറത്തായത്.