ചെന്നൈ : ഇന്നലെ വിക്ഷേപിച്ച ഇന്ത്യയുടെ ചരിത്രദൗത്യമായ ചന്ദ്രയാന്‍-3 യും വഹിച്ചുകൊണ്ടുള്ള എൽവിഎം3 –എം4 റോക്കറ്റിന്റെ യാത്രാദൃശ്യം വിമാനത്തിലിരുന്ന് പകര്‍ത്തി യാത്രക്കാര്‍. ആന്ധ്രപ്രദേശിലെ ശ്രീഹരിക്കോട്ടയില്‍നിന്ന് ഇന്നലെ ഉച്ചയ്ക്ക് 2.35 നാണ് ചന്ദ്രയാന്‍-3 പേടകവുമായി LVM3-M4 റോക്കറ്റ് കുതിച്ചുയര്‍ന്നത്.
അതേസമയം ആകാശത്ത് നീങ്ങിയിരുന്ന ഇന്‍ഡിഗോയുടെ ചെന്നൈ-ധാക്ക വിമാനത്തിലെ യാത്രക്കാര്‍ക്ക് ആ ദൃശ്യം വിമാനത്തിന്റെ ജനാലച്ചില്ലിലൂടെ നേരിട്ട് കാണാനായി. പൈലറ്റിന്റെ അറിയിപ്പിനെ തുടര്‍ന്നാണ് യാത്രക്കാര്‍ തങ്ങളുടെ കണ്‍മുന്നിലൂടെ രാജ്യത്തിന്റെ അഭിമാനം വാനോളം ഉയർത്തിക്കൊണ്ട് കുതിച്ചുയരുന്ന റോക്കറ്റിനെ കണ്ടത്. യാത്രക്കാർ പകർത്തിയ ദൃശ്യങ്ങൾ ഇപ്പോൾ സമൂഹ മാദ്ധ്യമങ്ങളിലടക്കം വൈറലാവുകയാണ്.
When #aviation meets 🤝#astronomy!
— The Chennai Skies (@ChennaiFlights) July 14, 2023
A passenger aboard @IndiGo6E ‘s #Chennai– #Dhaka flight has captured this beautiful liftoff of #Chandrayaan3 🚀 😍
Video credits to the respective owner.@ISROSpaceflight @SpaceIntel101 @Vinamralongani @elonmusk @ChennaiRains #ISRO pic.twitter.com/YJKQFeBh9b
