ഏറെ വിമര്ശനങ്ങള്ക്ക് വഴിയൊരുക്കിയ ട്വിറ്റര് ബ്ലൂ ടിക്ക് സബ്സ്ക്രിപ്ഷന് നിലവില് വന്നിരിക്കുകയാണ്. എന്നാൽ ബ്ലൂ ടിക്ക് സബ്സ്ക്രിപ്ഷന് നിലവിൽ വന്നതോടെ പല പ്രമുഖര്ക്കും അവരുടെ വേരിഫിക്കേഷന് നഷ്ടമായെന്ന വാർത്തയാണ് ഇപ്പോൾ പുറത്ത് വരുന്നത്. നീല നിറത്തിലുള്ള വെരിഫൈഡ് ബാഡ്ജ്, ട്വിറ്റര് ബ്ലൂ സബ്സ്ക്രിപ്ഷന് ഇല്ലാത്ത പ്രൊഫൈലുകളില് നിന്നും ഏപ്രില് 20 മുതല് നീക്കം ചെയ്യുമെന്ന് ഇലോൺ മസ്ക് നേരത്തെ അറിയിച്ചിരുന്നു.
രാഷ്ട്രീയ നേതാക്കൾ തുടങ്ങി ബോളിവുഡ് താരങ്ങൾക്കും ക്രിക്കറ്റ് താരങ്ങൾക്കും വരെ വേരിഫിക്കേഷന് നഷ്ടമായിട്ടുണ്ട്. അക്കൂട്ടത്തിൽ കോണ്ഗ്രസ് നേതാക്കളായ രാഹുല് ഗാന്ധിക്കും പ്രിയങ്കാ ഗാന്ധിക്കും ബ്ലൂ ടിക്ക് നഷ്ടമായിട്ടുണ്ട്. കൂടാതെ ബോളിവുഡ് താരങ്ങളായ അമിതാഭ് ബച്ചൻ, ഷാറുഖ് ഖാൻ, സൽമാൻ ഖാൻ, ദീപിക പദുക്കോൺ ആലിയ ഭട്ട്, ക്രിക്കറ്റ് താരങ്ങളായ വിരാട് കോലിക്കും രോഹിത് ശര്മയ്ക്കും വേരിഫിക്കേഷന് നഷ്ടമായിട്ടുണ്ട്.