കുവൈത്ത് : കൊറോണ വൈറസ് കൂടുതല് പേരിലേക്ക് പടരുന്ന സഹാചര്യത്തില് ഇന്ത്യ ഉള്പ്പെടെയുള്ള പത്ത് രാജ്യങ്ങളില്നിന്നുള്ളവര്ക്ക് കുവൈത്ത് നിയന്ത്രണം ഏര്പ്പെടുത്തി. ഇന്ത്യ, തുര്ക്കി, ഫിലിപ്പീന്സ്, ബംഗ്ലദേശ്, സിറിയ, ശ്രീലങ്ക, ഈജിപ്ത് തുടങ്ങിയ രാജ്യങ്ങളില്നിന്നുള്ളവര്ക്കാണ് നിയന്ത്രണം. ഈ രാജ്യങ്ങളില്നിന്നു കുവൈത്തിലേക്കു വരുന്നവര് കൊറോണ ബാധിച്ചവരല്ലെന്നു വ്യക്തമാക്കുന്ന മെഡിക്കല് സര്ട്ടിഫിക്കറ്റ് ഹാജരാക്കണമെന്നാണ് കുവൈത്ത് അധികൃതരുടെ നിര്ദേശം.
അതാത് രാജ്യങ്ങളില് കുവൈത്ത് എംബസി അംഗീകരിച്ച മെഡിക്കല് സെന്ററുകളില്നിന്നാണു ഈ സര്ട്ടിഫിക്കറ്റ് നേടേണ്ടത്. ഈ സര്ട്ടിഫിക്കറ്റ് ഇല്ലാത്ത യാത്രക്കാരെ വിമാനത്താവളത്തില് നിന്നു തിരിച്ചയക്കുമെന്ന് അധികൃതര് അറിയിച്ചു.