ദില്ലി : 8 എംഎല്‍എമാര്‍ ഹരിയാന ഗുരുഗ്രാമിലെ റിസോര്‍ട്ടിലെത്തിയതോടെ മധ്യപ്രദേശിലെ കമല്‍നാഥ് സര്‍ക്കാരിനു ഭീഷണി. 4 കോണ്‍ഗ്രസ് എംഎല്‍എമാരും 4 സ്വതന്ത്രരുമാണു റിസോര്‍ട്ടിലെത്തിയത്. എംഎല്‍എമാരെ വിലയ്ക്കു വാങ്ങാന്‍ ബിജെപി ശ്രമിക്കുന്നതായി കോണ്‍ഗ്രസ് നേതാവ് ദിഗ്വിജയ് സിങ് ആരോപണം. ഇതിനു പിന്നാലെയാണു നാടകീയ നീക്കങ്ങള്‍. 230 അംഗ സഭയില്‍ കോണ്‍ഗ്രസിന് 114, ബിജെപിക്ക് 107 അംഗങ്ങളാണുള്ളത്. ബിഎസ്പി (2), എസ്പി (1), 4 സ്വതന്ത്രര്‍ എന്നിവര്‍ കോണ്‍ഗ്രസിനെയാണു പിന്തുണച്ചിരുന്നത്. 2 സീറ്റുകള്‍ ഒഴിഞ്ഞു കിടക്കുന്നു.
ഇതിനിടെ ബിഎസ്പിയില്‍ നിന്ന് പുറത്താക്കിയ എംഎല്ലേമാരേ കോണ്‍ഗ്രസ് നേതാക്കള്‍ റിസോര്‍ട്ടില്‍ നിന്ന് കൊണ്ടുപോയതായും റിപ്പോര്‍ട്ടുണ്ട്.
