പാലക്കാട്: മലമ്പുഴ ചെറാട് കുര്മ്പാച്ചി മല മുകളിലേക്ക് വീണ്ടും ആളുകള് കയറിയതായി സൂചന. മലയ്ക്ക് മുകളിൽ നിന്ന് മൊബൈൽ ഫ്ലാഷുകൾ കണ്ടതായി നാട്ടുകാർ പറഞ്ഞു. ഇവരെ അന്വേഷിച്ച് വനംവകുപ്പ് ഉദ്യോഗസ്ഥര് തിരച്ചില് ആരംഭിച്ചു. എത്ര പേരാണ് മല മുകളിലേക്ക് പോയതെന്ന് വ്യക്തമല്ല.
മലയിൽ ബാബു കുടുങ്ങിയതിനു പിന്നാലെ അനുമതിയില്ലാതെ മലയിൽ കയറരുത് എന്ന് വനംവകുപ്പ് ഇക്കാര്യത്തിൽ കർശന നിർദ്ദേശം നൽകിയിരുന്നു. എന്നാൽ, ഇതൊന്നും വകവെക്കാതെയാണ് ഇപ്പോൾ ആളുകൾ കയറിയിരിക്കുന്നത്.
അതേസമയം മലയിൽ കുടുങ്ങിപ്പോയ ബാബുവിനെ രക്ഷിക്കാന് മുക്കാല് കോടിയോളം ചെലവ് വന്നുവെന്ന് ദുരന്ത നിവാരണ അതോറിറ്റിയുടെ പ്രാഥമിക കണക്ക്. കോസ്റ്റ് ഗാര്ഡ് ഹെലികോപ്റ്റര്, വ്യോമസേനാ ഹെലികോപ്റ്റര്, കരസേനാ , മറ്റ് രക്ഷാപ്രവര്ത്തകർ എന്നിവർക്ക് മാത്രം നല്കിയത് അരക്കോടി രൂപയാണ്. ബില്ലുകള് ഇനിയും കിട്ടാനുണ്ട് എന്നതിനാല് തുക ഇനിയും കൂടാനാണ് സാധ്യത.
