തിരുവനന്തപുരം: മാധ്യമപ്രവ‍ര്‍ത്തകന്‍ വാഹനം ഇടിച്ച് മരിച്ച കേസിന്‍റെ അന്വേഷണത്തില്‍ വെള്ളം ചേര്‍ക്കാന്‍ അനുവദിക്കില്ലെന്ന് മുഖ്യമന്ത്രി പിണറായി വിജയന്‍ പറഞ്ഞു. ആരെങ്കിലും അതിന് ശ്രമിച്ചാല്‍ കര്‍ശന നടപടിയെടുക്കും. ശ്രീറാം വാഹനം ഓടിച്ചത് ലഹരിയിലും അമിത വേഗതയിലും ആണ്. നിയമം അറിയാവുന്ന ആളാണ് നിയമം ലംഘിച്ചത്.
മദ്യപിച്ചിട്ടില്ലെന്ന് പറയുന്നത് ശ്രീറാം മാത്രമാണെന്നും മുഖ്യമന്ത്രി പറഞ്ഞു. ഇടുക്കിയിലെ കയ്യേറ്റങ്ങളുടെ കൃത്യം കണക്കെടുക്കും. രവീന്ദ്രന്‍ പട്ടയങ്ങളുടെ പരിശോധന സമയബന്ധിതമായി പൂര്‍ത്തിയാക്കും. അഞ്ചംഗ സമിതിയുടെ പരിശോധന അവസാനഘട്ടത്തിലാണെന്നും മുഖ്യമന്ത്രി പറഞ്ഞു.
ഇപ്പോഴത്തെ പ്രശ്നം പി എസ് സിയുടെ വിശ്വാസ്യതയുമായി ബന്ധപ്പെട്ടതല്ല. പി എസ് സിയില്‍ പിഴവുകള്‍ ആവര്‍ത്തിക്കാതിരിക്കാനുള്ള പ്രഫഷണലിസം കൊണ്ടുവരുമെന്നും മന്ത്രിസഭാ യോഗ തീരുമാനം വിശദീകരിച്ച് പിണറായി വിജയന്‍ പറഞ്ഞു.
