സൂപ്പർ താരം പ്രഭാസ് നായകനാകുന്ന പുതിയ ചിത്രമാണ് ‘രാധേ ശ്യാം. ഇപ്പോഴിതാ ചിത്രത്തിലെ ” മലരോട് സായമേ ” എന്നു തുടങ്ങുന്ന ഗാനം പുറത്ത് വിട്ടിരിക്കുകയാണ്. പൂജ ഹെഗ്ഡെയാണ് ചിത്രത്തില് നായികയായി എത്തുന്നത്. ഇരുവരുടേയും പ്രണയം പറയുന്നതാണ് ഗാനം. നേരത്തെ ‘രാധേ ശ്യാം’ എന്ന ചിത്രത്തിലെ ഫോട്ടോകള് ഓണ്ലൈനില് തരംഗമായിരുന്നു.
സൂരജ് സന്തോഷാണ് ചിത്രത്തിലെ ഗാനം ആലപിച്ചിരിക്കുന്നത്. ജോ പോളിന്റെ വരികള്ക്ക് പ്രമുഖ തമിഴ് സംഗീത സംവിധായകന് ജസ്റ്റിന് പ്രഭാകറാണ് ഈണം നൽകിയത്. ഭുഷൻ കുമാര് ആണ് ചിത്രം നിര്മിക്കുന്നത്. ആക്ഷന്: നിക്ക് പവല്. ശബ്ദ രൂപകല്പന: റസൂല് പൂക്കുട്ടി. നൃത്തം: വൈഭവി,കോസ്റ്റ്യൂം ഡിസൈനര്: തോട്ട വിജയഭാസ്കര്, ഇഖ ലഖാനി.
മലയാളത്തോടൊപ്പം തമിഴ്, തെലുങ്ക്, കന്നട എന്നീ ഭാഷകളിലും ഗാനം പുറത്തിറക്കിയിട്ടുണ്ട്. യുവി ക്രിയേഷന്റെ സോഷ്യല് മീഡിയ പേജിലൂടെയാണ് ഗാനം റിലീസ് ചെയ്തത്. നേരത്തെ പുറത്തിറക്കിയ ലിറിക്സ് വിഡിയോയ്ക്ക് വന് വരവേല്പ്പായിരുന്നു സോഷ്യല് മീഡിയയില് ലഭിച്ചത്.
സച്ചിൻ ഖറേഡേക്കര്, പ്രിയദര്ശിനി, മുരളി ശര്മ, സാഷ ഛേത്രി, കുനാല് റോയ് കപൂര് തുടങ്ങിയവരും പ്രധാന കഥാപാത്രങ്ങളായി എത്തുന്നു. ‘വിക്രമാദിത്യ’ എന്ന ഒരു കഥാപാത്രമായി പ്രഭാസ് എത്തുമ്പോള് പൂജ ഹെഗ്ഡെ ‘പ്രേരണ’യാണ് ‘രാധേ ശ്യാമി’ല്. ‘രാധേ ശ്യാം’ സംവിധാനം ചെയ്യുന്നത് രാധ കൃഷ്ണ കുമാര് ആണ്. തെലുങ്ക്, ഹിന്ദി, തമിഴ്, മലയാളം ഭാഷകളിലാണ് ചിത്രം എത്തുക.
നീണ്ട ഇടവേളയ്ക്ക് ശേഷം പ്രഭാസ് റൊമാൻ്റിക് വേഷത്തിലെത്തുന്ന ചിത്രമാണ് രാധേശ്യാം. കൈനോട്ടക്കാരനായ വിക്രമാദിത്യ എന്ന കഥാപാത്രത്തെയാണ് പ്രഭാസ് അവതരിപ്പിക്കുന്നത്. നായികാ കഥാപാത്രമായ പ്രേരണയായാണ് പൂജ എത്തുക. പ്രഭാസിന്റെ ലോകമെമ്പാടുമുള്ള ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രം ജനുവരി 14 ന് തിയറ്ററുകളിലെത്തും.