ദില്ലി: സ്ത്രീ ശാക്തീകരണത്തിന് വേണ്ടി പരിശ്രമിക്കുന്ന പാർട്ടിയ്ക്ക് വേണ്ടി പ്രവർത്തിക്കുന്നതിൽ അഭിമാനമുണ്ടെന്ന് ബിജെപി ദേശീയ അദ്ധ്യക്ഷൻ ജെപി നദ്ദ. മാത്രമല്ല ഓരോ വികസന പ്രവർത്തനങ്ങളിലും സ്ത്രീകളുടെ പങ്കാളിത്തമാണ് ബിജെപി ഉറപ്പുവരുത്തുന്നത് എന്ന് അദ്ദേഹം വ്യക്തമാക്കിയിരിക്കുകയാണ്.
ഡെറാഡൂണിൽ നടന്ന ദ്വിദിന മഹിളാ മോർച്ച പരിപാടിയെ അഭിസംബോധന ചെയ്ത് സംസാരിക്കുന്നതിനിടെയാണ് ജെ പി നദ്ദ ഇക്കാര്യം അറിയിച്ചത്.
‘സ്ത്രീ ശാക്തീകരണത്തിന് പ്രഥമ പരിഗണന നൽകുന്നയാളാണ് പ്രധാനമന്ത്രി നരേന്ദ്ര മോദി. ഏത് പരിപാടിയിൽവെച്ച് കണ്ടാലും യുവാക്കളുടെയും സ്ത്രീകളുടെയും പങ്കാളിത്തത്തെ കുറിച്ചാണ് അദ്ദേഹം ആദ്യം അന്വേഷിക്കാറുള്ളത്. കഴിഞ്ഞ ഏഴ് വർഷത്തിനിടെ രാജ്യത്തെ സ്ത്രീകളെ മുഖ്യധാരയിലേക്ക് കൊണ്ടുവരുന്നതിനായി നിരവധി വിപ്ലവകരമായ പദ്ധതികളാണ് കേന്ദ്ര സർക്കാർ ആരംഭിച്ചിരിക്കുന്നത്. കേന്ദ്ര മന്ത്രിസഭയിലെ സ്ത്രീകളുടെ പ്രാതിനിധ്യം തന്നെ ഇതിന് ഉദാഹരണമാണ്- അദ്ദേഹം കൂട്ടിച്ചേർത്തു.
കൂടാതെ സംഘടനയുടെ വികസനവും പാർട്ടിയിലെ സ്ത്രീകളുടെ പങ്കാളിത്തവും ഒരുമിച്ച് കൊണ്ടുപോകാൻ ബിജെപിക്ക് സാധിക്കുന്നുണ്ട് എന്നും 33 ശതമാനം റിസർവേഷനാണ് രാജ്യത്തെ സ്ത്രീകൾക്ക് നൽകുന്നത് എന്നും ഭരണനിർവ്വഹണത്തിന് മറ്റ് പരിപാടികളിലും സ്ത്രീകൾക്ക് മുൻപന്തിയിൽ സ്ഥാനം നൽകാനും ബിജെപി ശ്രമിക്കുന്നുണ്ടെന്നും അദ്ദേഹം പരിപാടിയിൽ പറഞ്ഞു.
twitter retweet kaufen