ദില്ലി : ആൻഡമാൻ നിക്കോബാറിലെ 21 ദ്വീപുകൾക്ക് പരം വീർ ചക്ര ജേതാക്കളുടെ പേരുകൾ നൽകി പ്രധാനമന്ത്രി നരേന്ദ്ര മോദി. നേതാജി സ്മരണ ദിനത്തിലെ പ്രസംഗത്തിലാണ് പ്രഖ്യാപനം. ഇത് ഭാരതത്തിന്റെ ചരിത്രമൂഹൂർത്തമാണെന്നും ആൻഡമാനിലെ യുദ്ധ സ്മാരകം നേതാജിയുടെ ആശയങ്ങൾ കൊണ്ട് സജീവമാക്കുമെന്നും അദ്ദേഹം വ്യക്തമാക്കി.ഇത് യുവാക്കൾക്ക് പ്രചോദനമായിരിക്കുമെന്നും അദ്ദേഹം വ്യക്തമാക്കി.
നേതാജി സുബാഷ് ചന്ദ്ര ബോസ് ദ്വീപിൽ നിർമ്മിച്ച അദ്ദേഹത്തിന്റെ സ്മാരകവും പ്രധാനമന്ത്രി അനച്ഛാദനം ചെയ്തു. ആൻഡമാൻ നിക്കോബാർ ദ്വീപുകളുടെ ചരിത്ര പ്രധാന്യവും നേതാജിയുടെ സ്മരണയും കണക്കിലെടുത്ത് 2018-ൽ പ്രധാനമന്ത്രി സന്ദർശനം നടത്തിയിരുന്നു. ഈ അവസരത്തിൽ റോസ് ദ്വീപിനെ നേതാജി സുഭാഷ് ചന്ദ്ര ബോസ് ദ്വീപ് എന്ന് പുനർനാമകരണം ചെയ്യുകയായിരുന്നു.