എല്ലാ കലാപങ്ങൾക്കും ബിജെപിയെ കുറ്റപ്പെടുത്തുന്ന പ്രതിപക്ഷത്തിന് തക്ക മറുപടിയുമായി രംഗത്തെത്തിയിരിക്കുകയാണ് നടിയും പ്രിയങ്ക ചോപ്രയുടെ ബന്ധുകൂടിയായ മീര ചോപ്ര.ഹരിയാനയിൽ വർഗീയ സംഘർഷത്തിന് ബിജെപിയെ കുറ്റപ്പെടുത്തുന്നവരെ സോഷ്യൽ മീഡിയയിലൂടെയാണ്‌ താരം വിമർശിച്ചത്.ഇറ്റലിയിലും ഫ്രാൻസിലും നടക്കുന്ന സംഘർഷങ്ങൾക്കും ബിജെപിയാണോ ഉത്തരവാദിയെന്ന് ട്വീറ്ററിൽ പങ്കുവെച്ച പോസ്റ്റിൽ വിമർശിക്കുകയായിരുന്നു നടി.
സംഘർഷത്തിന് പിന്നിൽ ബിജെപിയാണെന്ന് വരുത്താനാണ് പ്രതിപക്ഷത്തിന്റെ ശ്രമങ്ങൾ. മണിപ്പൂരിൽ അടക്കം അതിനായി പ്രതിപക്ഷം നിരവധി വ്യാജ നിർമ്മിതികൾ സൃഷ്ടിക്കുകയും ചെയ്തിരുന്നു.ഹരിയാനയിൽ നടക്കുന്ന വർഗീയ സംഘർഷത്തിന് നിരവധിപ്പേർ ബിജെപിയെ ആക്രമിക്കുന്നുണ്ട്. സംഘർഷം നടക്കുന്നതിന്റെ എല്ലാം ഉത്തരവാദിത്വം ബിജെപിയ്‌ക്കാണോയെന്നാണ് നടി ചോദിക്കുന്നത്. ലണ്ടൻ, ഇറ്റലി, ഫ്രാൻസ്, സ്വീഡൻ, എന്നീ രാജ്യങ്ങളിലും സംഘർഷങ്ങൾ നടക്കുന്നുണ്ട്. ഇവിടെയെല്ലാം ബിജെപിയാണോ ഭരിക്കുന്നതെന്നും നടി ചോദിക്കുന്നു.
‘സെക്ഷൻ 375’, ‘1920’, ‘കാമാത്തിപുര’ തുടങ്ങി നിരവധി തെലുങ്ക് ,ഹിന്ദി , തമിഴ് ചിത്രങ്ങളിൽ മീര ചോപ്ര ശ്രദ്ധേയ വേഷങ്ങൾ ചെയ്തിട്ടുണ്ട്.
